Mektepke jol: Atyraý oblysynda 15 myńǵa jýyq oqýshy oqý quraldarymen qamtylady

ATYRAÝ. QazAqparat – Atyraý oblysynda «Mektepke jol» aktsııasy aıasynda 15 myńǵa jýyq oqýshy kıimmen, oqý quraldarymen qamtylady, dep habarlaıdy QazAqparat tilshisi.

Atyraý oblystyq bilim basqarmasynyń basshysy Erlan Slambekovtiń málimetinshe, 14 790 oqýshynyń kómekke muqtaj ekeni anyqtalǵan.

«Bıyl «Mektepke jol» aktsııasy aıasynda áleýmettik turmysy tómen topqa jatatyn otbasylardyń balalary mektep formasymen, oqý quraldarymen qamtamasyz etiledi. Osyndaı otbasylardaǵy ár balaǵa qajetti zattardy satyp alý úshin 40 myń 567 teńgeden bólinedi. Qarjy ata-analardyń esepshotyna aýdarylady», -dep habarlady Erlan Slambekov.

Basqarma basshysynyń orynbasary Oryntaı Bımanova «Mektepke jol» aktsııasyn ótkizý úshin metsenattar men kásipkerlerge hat jiberilgen.

«Kómekke muqtaj otbasylardyń balalaryna mektepke qajetti zattardy satyp alýyna kqoldaý kórsetý úshin metsenattar men kásipkerlerge hat jiberip otyrmyz. Osy oraıda ata-analardan balalardyń mektep formasy men quraldaryna arnaıy bólingen qarjyny maqsatty jumsaýdy suraımyz», -dedi Oryntaı Bımanova.

Eske sala ketelik, budan buryn Atyraý oblysynda 7 mektep pen 1 japsarjaı paıdalanýǵa beriletinin habarlaǵan bolatynbyz.

Oblys ákiminiń orynbasary Jasulan Bısembıevtiń málimetinshe, jańa mekteptiń beseýi Atyraý qalasynda, bireýi Mahambet aýdanynda salynyp jatyr. Al, Isataı aýdanynyń Tuşyqudyq aýylyndaǵy mektep janynan japsarjaı paıdalanýǵa beriledi. Jańa bilim ordalary 6 450 orynǵa eseptelgen.

Al, 2024 jyly 18 mektepti paıdalanýǵa berý josparlanǵan. Onyń ishinde 9 bilim ordasy «Jaıly mektep» baǵdarlamasymen salynady.