Mektepke jol: Atyraý oblysynda 10 myń oqýshyǵa kómek kórsetiledi

ATYRAÝ. QazAqparat – Atyraý oblysynda «Mektepke jol» aktsııasy aıasynda 10 myń oqýshyǵa kómek kórsetiledi, dep habarlaıdy QazAqparat.

Oblystyq bilim basqarmasy basshysynyń orynbasary Aınagúl Dúısekenovanyń málimetinshe, oqýshylardy mektepke daıyndaý úshin 10 myń ótinish túsken.

«Oblysta jańa oqý jyly qarsańynda «Mektepke jol» qaıyrymdylyq aktsııasy ótedi. Qazir óńirde áleýmettik turmysy tómen otbasylardyń 13 myńnan astam oqýshy bar. Mektep formasy men oqý quraldaryn satyp alýǵa oblystyq bıýdjetten 248 mln 400 myń teńge bólindi. Qaıyrymdylyq is-sharasy kóp balaly jáne az qamtylǵan, sondaı-aq, ataýly áleýmettik kómek alatyn otbasylardyń balalar alady. Bir balaǵa 25-35 myń teńgeniń kómegi kórsetiledi», -deıdi Aınagúl Dúısekenova.

Eske sala ketelik, budan buryn Atyraý oblysynda 14 myńnan astam bala 1-synypqa baratynyn habarlaǵan edik.