«Mektepke jol»: Assambleıa 106 mln teńgeden astam kómek kórsetti
Qazaqstan halqy Assambleıasy óńirlik fılıaldary arqyly jyl saıyn áleýmettik qoldaý uıymdastyryp, turmysy tómen otbasylardyń balalaryna qol ushyn sozýdy dástúrge aınaldyryp keledi.
Jańa oqý jyly qarsańynda oqýshylarǵa qaıyrymdylyq kómek kórsetýden kósh bastap turǵan – Qyzylorda oblysy. «El Araı» qoǵamdyq qory, oblystyq QHA «Jomart» qaıyrymdylyq qory, «Jan-Araı» JShS, «Aral tuz» AQ, sondaı-aq aýdandyq kásipkerlerler (M.Ospanova) men eriktilerdiń (B.Begalıev) kómegimen jalpy somasy 9 057 000 teńgege planshet, smartfondar men sım-karta, ınternetke qosylýǵa roýter, modem sekildi tehnıkalyq quraldarmen qatar, oqýǵa qajetti keńse taýarlary syıǵa tartyldy.
Túrkistan oblysynyń túrik, ózbek, tájik, etnomádenı birlestigi, qalalyq, aýdandyq Analar keńesi, «Jannatýl» Ferdaýsı qory birigip, 7 514 000 teńgege planshet, smartfon, mektep sómkelerin satyp aldy.
Shyǵys Qazaqstan oblysy etno-mádenı birlestikteri 7 060 500 teńge, Jambyl oblysy – 6 030 000 teńgege balalardyń oqý aqysyn tólep, kıim-keshekpen qamtamasyz etti.
Qaraǵandy oblysy QHA Qaıyrymdylyq jasaýshylar men tálimgerler klýbynyń tóraǵasy, «LITUANICA» QB tóraǵasy V.Tvarıonas turmysy tómen otbasynyń 7 balasyna 77 000 teńgege mektep quraldaryn jáne 300 000 teńgege 2 noýtbýk syılasa, qaıyrymdylyq jasaýshylar jáne tálimgerler klýbynyń músheleri S.Shaýenova men M.Maqatqyzy, Analar keńesi QHA qurylymdarymen birlesip 90 balaǵa 850 000 teńgege mektep quraldary men rıýkzak syılap, jalpy somasy 6 mln teńgege kómek kórsetti.
Qostanaı oblysy sheshen-ıngýsh, koreı, kazak, orys etnomádenı birlestik músheleri men Analar keńesi 6 978 000 teńgege kompıýter, planshet, portfel, oqý quraldary men mektep formalaryn tartý etti.
Pavlodar oblysy «Vatan» ázerbaıjan ortalyǵynyń múshesi Mýslım Mahmýdov, rýmyn-moldavan ortalyǵynyń tóraıymy Dıak Aýrıka, Dostyq úıiniń volonterlik ortalyǵynyń eriktileri mektep oqýshylaryna 5 858 000 teńgege «Otaý tv» resıverleri, noýtbýk, planshet, ınternet-roýterler men uıaly telefondar úlestirdi.
Almaty qalasy QHA músheleri Abdýlhalıl Dolkýntaı, M.Israılova, H.Ývaısova, V.Nabıev, Z.Kasanov, Ý.Kasanov, T.Elgeldıeva 3 350 000 teńgege muqtaj otbasylarǵa oqý quraldaryn tabystady.
Nur-Sultan qalasy «Vaınah» sheshen-ıngýsh etnomádenı ortalyǵy» QB, «Tań» tatar-bashqurt mádenı ortalyǵy» QB, «Polacy» QB, «Ahyska» túrik etnomádenı ortalyǵy» QB, «Respýblıkalyq uıǵyr mádenı ortalyǵynyń fılıaly» QB, «Astana qalasynyń Ózbek etnomádenı ortalyǵy» QB, «Hazar» ázerbaıjan qoǵamdyq birlestigi» QB, QHA «Parasat» qaıyrymdylyq qyzmetti úılestirý ortalyǵynyń ókilderi mektep oqýshylaryna 3 mln 220 myń teńgeniń kómegin kórsetti.
Almaty oblysy «Elefterııa» grekter qoǵamy», «Vıdergebýrt» Taldyqorǵan nemisteri qaýymdastyǵy, «Safar» tájik etnomádenı birlestigi men orys etnomádenı ortalyǵynyń ókilderi oqýshylardy 3 mln 280 myń teńgege, Atyraý oblysy, Batys Qazaqstan oblysy, Shymkent qalasy, Aqmola oblysy, Mańǵystaý oblysy, Soltústik Qazaqstan oblysy tatar-bashqurt, ázerbaıjan, kazak, evreı, kúrd, belorýs, evreı mádenı ortalyqtarynyń ókilderi 245 000 teńgege oqýshylardy portfelder jáne keńse jabdyqtarymen qamtamasyz etti.
QHA qaıyrymdylyq is-sharalary jalǵasýda.
