Mektepke jol: Almatyda 22 myńnan astam oqýshy kómek aldy

ALMATY. QazAqparat- Almaty qalasy bilim basqarmasy basshysynyń orynbasary Qaırat Jumanov Óńirlik kommýnıkatsııalar qyzmetiniń brıfınginde «Mektepke jol» aktsııasynyń qorytyndysy týraly aıtty, dep habarlaıdy Qazaqparat tilshisi.

Aıta ketsek, jalpyrespýblıkalyq aktsııa Memleket basshysynyń joldaýy aıasynda júzege asyrylyp jatyr.

Maqsat- áleýmettik jaǵynan az qamtylǵan jáne kópbalaly otbasylardyń balalaryna kómek kórsetý.
«Epıdemıologııalyq jaǵdaıdyń saqtalýyna baılanysty «Mektepke jol» dástúrli aktsııasyn ótkizý platforma arqyly jyl boıy jalǵasady www.atamekenim.kz kómekke muqtaj ata-analar óz ótinishterin qaldyra alady, al demeýshiler men metsenattar kómek kórsetý boıynsha ótinim bere alady», - dedi Qaırat Jumanov.
Sonymen qatar, kómek kórsetýdiń dástúrli ádisteri jalǵasyp jatyr. Qazirgi ýaqytta áleýmettik qorǵalmaǵan jáne az qamtylǵan otbasylardan shyqqan 22142 oqýshyǵa 774 mln 970 myń teńge bıýdjet qarajaty (jappaı oqytý qory) somasynda kómek kórsetildi.
Sonymen qatar, aktsııany Almaty qalasynyń metsenattary qoldap, 9 022 oqýshyǵa 123 mln 399 myń teńge kóleminde demeýshilik kómek kórsetti.
Spıker Bilim basqarmasy men jappaı oqytý qory tarapynan 1-11 synyp oqýshylary úshin tegin tamaqtaný uıymdastyrylǵanyn atap ótti.
Bul maqsatqa jergilikti bıýdjetten qarajat qarastyrylǵan, 24 myńnan astam oqýshy qala mektepterinde tamaqpen qamtamasyz etilgen.