Mektepke jol: Almatyda 1,5 myń oqýshy syılyqqa kompıýter aldy

ALMATY. QazAqparat – Almaty 1,5 myń oqýshyǵa kompıýter tabystady. Bul týraly búgin onlaın brıfıng barysynda «Jas Otan» qalalyq jastar qanatynyń jetekshisi Mádı Ahmetov aıtty, dep habarlaıdy QazAqparat tilshisi.

Almatyda partııa músheleri «Mektepke jol» qaıyrymdylyq aktsııasy aıasynda kópbalaly jáne az qamtylǵan otbasylardyń balalaryna kómek kórsetti.

«Bir jarym myńnan astam almatylyq otbasyǵa planshetter, keńse taýarlary bar rıýkzaktar, veb-kameralar jáne taǵy basqa oqý quraldaryn berdik. Partııa músheleri qaıyrymdylyqqa bólingen aqshanyń kóp bóligin oqýshylarǵa kompıýterlik tehnıka satyp alýǵa jumsady. Bul jerdegi bizdiń volonterlerdiń basty mindeti – karantınniń barlyq sharttaryn saqtaı otyryp, osy kómekti otbasylarǵa jetkizý»,– deıdi Mádı Ahmetov.

Bul jumysqa arnaıy daıyndyqtan, arnaıy kýrstan ótken 50-ge jýyq volonter jumyldyrylǵan. «Mektepke jol» aktsııasy bıyl 12-shi ret ótkizilip otyr.