Mektepke jol: Aqmola oblysynda 17 508 bala materıaldyq qoldaýǵa muqtaj
Bilim basqarmasy basshysy orynbasarynyń aıtýynsha, bıyl jalpyrespýblıkalyq «Mektepke jol» atty qaıyrymdylyq aktsııasy 1 tamyz ben 30 qyrkúıek aralyǵynda «Jaqsylyq jasa» uranymen ótedi. «Mektepke jol» respýblıkalyq aktsııasyn uıymdastyrý men ótkizýdegi bas áriptes - «Atameken» ulttyq kásipkerler palatasy.
Jyl saıyn aktsııaǵa qatysýǵa nıet bildirýshiler sany artyp keledi. Ótken jyly oblysta aktsııa qorytyndysy boıynsha turmys tómen, kópbalaly otbasylardaǵy 12 123 bala jalpy somasy 416 mıllıon teńgege materıaldyq kómek aldy. Aktsııany ótkizýge aýdan jáne oblys ákimdikteri, memlekettik qurylymdar belsendi qatysyp, kómek kórsetedi. Respýblıkalyq aktsııany ótkizýge oblystyń bıznes-qurylymdary da qatysady. Máselen, «Aqnıet» jeke qaıyrymdylyq qory jyl saıyn balalarǵa keńse taýarlary bar 1 000 mektep rıýkzagyn usynady. Bıyl Aqmola oblysynyń uıymdary jalpy somasy 11,2 mıllıon teńgege 1 118 rıýkzak aldy
, - deıdi Valerıı Gamazov.
Aktsııa barysynda aýdandar men qalalardyń bilim bólimderi táýekel tobyndaǵy balalardy (qaraýsyz qalǵan, qolaısyz otbasylardan shyqqan jáne kóship-qonýshylar, sondaı-aq oqýdan júıeli túrde jaltarǵan basqa da oqýshylar) anyqtaý boıynsha reıdter júrgizdi. Reıd qorytyndysy boıynsha mektepterde áleýmettik kómekke muqtaj táýekel tobyndaǵy balalardyń, otbasylardyń ataýly, derbes tizimderi jasalady. Bul olardyń mektepke kelýin qamtamasyz etý boıynsha jumysty odan ári júrgizýge múmkindik beredi.
«Bıyl Aqmola oblysy boıynsha 17 508 bala materıaldyq qoldaýǵa muqtaj, onyń 2 180-i birinshi synypqa barady. Jalpy orta bilim alýǵa qol jetkizý úshin jaǵdaı jasaýǵa yqpal etetin bilim berý salasyn damytý máseleleri boıynsha bilim berý júıesi men azamattyq qoǵam arasynda turaqty áriptestik qalyptastyrý qajet», - dep túıindedi Valerıı Gamazov,
Aıta ketsek, bıyl Aqmola oblysynyń aýyldary men qalalarynda 11 mektep paıdalanýǵa beriledi.
