«Mektepke jol» aktsııasyna qandaı ózgerister engizildi
NUR-SULTAN. QazAqparat – QR Bilim jáne ǵylym vıtse-mınıstri Bıbigúl Asylova «Mektepke jol» qaıyrymdylyq aktsııasyna engizilgen ózgerister týraly aıtyp berdi, dep habarlaıdy QazAqparat tilshisi.
«Bilim jáne ǵylym mınıstrligi 2008 jyldan bastap, jańa oqý jyly qarsańynda «Mektepke jol» qaıyrymdylyq aktsııasyn jarııalaıdy. Ádette naýqan tamyzdyń basynda bastalyp, 30 qyrkúıekte aıaqtalatyn. Bıyl Prezıdent tapsyrmasymen erterek bastaldy. 3 shildeden bastap, óńirler men túrli uıymdarǵa aktsııaǵa daıyndyqty bastaý týraly hat jiberdik», - dedi vıtse-mınıstr «IQ Coworking» ortalyǵynda «Mektepke jol» aktsııasynyń ınternet-portalynyń tanystyrylymynda.
Ekinshiden, «Mektepke jol» aktsııasy oqý jyly qarsańynda ǵana emes, jyl boıy júzege asyrylady.
«Sonymen birge, dástúrli mehanızmmen qatar ınternet-alań qurý úshin «Meniń atamekenim» birlestigine júgindik. Bul uıym Arys turǵyndaryna kómek kórsetýde óte tıimdi jumys istedi. ıAǵnı, kimnen qansha qarajat túskenin, ár tıynnyń qaıda jumsalǵanyn elektrondy túrde ashyq kórsetip otyrdy. Budan bylaı, atamekenim.kz portaly arqyly kómekke muqtaj ata-analar «Mektepke jol» aktsııasyna onlaın-ótinim bere alady. Olardyń ótinimi mınıstrliktiń tizimimen salystyrylady. ıAǵnı, shyn máninde muqtaj jandar esebinde turǵan otbasylarǵa kómektesemiz. Kómek kórsetkisi keletin uıymdar men jeke tulǵalar da osy platforma arqyly onlaın qarajat aýdaryp, onyń qaıda jumsalǵany týraly esep ala alady. Osylaısha, «Mektepke jol» naýqanyn jyl boıy ashyq, ádil túrde jalǵastyra beremiz», - dedi Bıbigúl Asylova.
Vıtse-mınıstrdiń aıtýynsha, «Atameken» respýblıka kásipkerlerin biriktirip otyr. «Mektepke jol» aktsııasyna qatysý arqyly otandyq óndirýshiler ózderin tanyta alady. Otandyq mektep formasyn tigýshiler, aıaq kıim zaýyttarynyń taýarlary satyp alynady.
Sondaı-aq, turaqty ınternet-alań arqyly turǵyndardyń boıynda qaıyrymdylyq kórsetý mádenıetin qalyptastyrýǵa bolady.
«Tsıfrlandyrý arqyly kórsetilgen materıaldyq kómektiń ashyq, ádil bólinýine qol jetkizdik. Jaqyn arada bilim berý uıymdaryna demeýshilik, qaıyrymdylyq kómek kórsetý tolyǵymen avtomattandyrylǵan rejımge kóshedi. Basqa salalar da bizdiń jobany úlgi retinde qoldana alady», - dedi B. Asylova.
Aıta keteıik, Qazaqstanda 12 jyl boıy «Mektepke jol» qaıyrymdylyq aktsııasy ótkizilip keledi. Aktsııa barysynda áleýmettik sebepter boıynsha mektepke barmaıtyn balalar anyqtalady jáne halyqtyń áleýmettik qorǵalmaǵan toptaǵy balalaryn mektepke daıyndaý boıynsha kómek kórsetiledi.
