«Mektepke jol» aktsııasy ótkeli 6 jylda 2 mln-ǵa jýyq bala materıaldyq kómek aldy
ASTANA. QazAqparat - Qazaqstanda «Mektepke jol» aktsııasy ótkizilip kele jatqan 6 jylda 2 mln-ǵa jýyq bala materıaldyq kómek aldy. Bul týraly búgin Astanada ótken baspasóz máslıhatynda Bilim jáne ǵylym vıtse-mınıstri Esenǵazy Imanǵalıev aıtty.
«Aktsııany ótkizip kele jatqan 6 jyl ishinde 2 mıllıonǵa jýyq bala shamamen 8 mıllıard 300 mıllıon teńgeniń materıaldyq kómegin aldy. Aktsııanyń basty maqsattarynyń biri - ákimdikterdi, bilim berý organdaryn, máslıhattardy, metsenattar men demeýshilerdi jáne de buqaralyq aqparat quraldaryn mektep jasyndaǵy balalarǵa kómek qolyn sozýǵa shaqyrý boldy. Máselen, aktsııa bastalǵaly metsenattar men demeýshiler muqtaj balalarǵa jalpy somasy 3,3 mlrd. teńge kóleminde kómek kórsetti», - dep atap ótti ol.
Onyń aıtýynsha, aktsııanyń turaqty seriktesteri «Altyn Qyran» halyqaralyq qaıyrymdylyq qory, «QazAeroServıs» AQ, «KEGOK» AQ, «Azyq-túlik korporatsııasy» AQ jáne «KarTel» kompanııasy.
