«Mektepke jol» aktsııasy aıasynda 4 myńnan astam balaǵa kómek kórsetildi
ASTANA. QazAqparat - Astanada «Mektepke jol» jyl saıynǵy respýblıkalyq aktsııasy aıasynda turmysy tómen jáne kóp balaly otbasylardan shyqqan 4 004 balaǵa kómek kórsetildi. Demeýshilerdiń 44 mln. 445 myń teńge qarjysyna 2 949 bala mektepke qajetti jabdyqtarmen qamtamasyz etildi, dep habarlady astana.gov.kz.
Balalardy mektepke ázirleýge úles qosqandar kóp. Sonyń ishinde Ádilet mınıstrligi, Aýyl sharýashylyǵy mınıstrligi, Din isteri agenttigi, Memlekettik qyzmet isteri agenttigi, «Nur Otan» partııasy, «QazAeroServıs» AQ, Mádenıetter men dinderdiń halyqaralyq ortalyǵy, ǵylymı-zertteý ortalyǵy, qalalyq meshitter, «Turan - Astana» ýnıversıteti, «KZ» QQ, «Dar» QQ sharadan tys qalmady. Turmysy tómen otbasylardan shyqqan balalar sómkelermen, mektep quraldarymen, sporttyq kıim-keshekpen, jeıdelermen jáne t.b. qamtamasyz etildi.
Elordada «Han Shatyr» SOO, «Saryarqa» SOO, «Evrazııa» SÚ, «Jannur» SÚ, «Shapaǵat» bazarynda jáne Ortalyq bazarda kıim-keshekter qabyldaıtyn konteınerler ornatyldy. «Mektepke jol» respýblıkalyq aktsııasy jalǵasýda.
