«Mektepke shabýyl uıymdastyramyz»: Pavlodar polıtsııasy jelide aqparat taratqandardy tekserip jatyr
PAVLODAR. KAZINFORM - Áleýmettik jelide Pavlodar mektepterine belgisiz tulǵalar qylmys jasaýǵa daıyndalyp jatqany týraly aqparat tarady. Atalǵan fakti boıynsha Polıtsııa departamenti tekserý júrgizip jatyr.
«Quzyretti organdarmen birlesip, bul aqparatty taratqan adamdardy anyqtaý boıynsha jedel is-sharalar júrgizilip jatyr. Kináli adamdar eldiń zańnamasyna sáıkes anyqtalyp, jaýapqa tartylatyn bolady. Búgingi tańda polıtsııa oqý oryndarynda qaýipsizdikti qamtamasyz etýge, onyń ishinde beınebaqylaýdy jáne olarǵa jaqyn polıtsııa jasaqtaryn kúsheıtýge erekshe nazar aýdarýda», - dep habarlady Pavlodar oblysy Polıtsııa departamenti bastyǵynyń birinshi orynbasary Jasqaırat Qaıyrov.
Osy jyldyń basynan mundaı jalǵan habarlamalar eldiń birqatar qalalarynda taralǵany málim. Keleńsiz jaıttar halyq arasynda dúrbeleń týǵyzýǵa baǵyttalǵan. Polıtsııa organdary azamattardan arandatýshylyqqa berilmeýin, tek resmı aqparatqa senýin suraıdy.
