Mektepke sebepsiz barmaıtyn balany baıqasańyz, habarlaý suralady - Bilim basqarmasy
«Dálelsiz sebeptermen mektepke barmaıtyn balalardy anyqtaý maqsatynda elordalyq Polıtsııa departamentiniń ýchaskelik ınspektorlarymen birlesip, «Úrker», «Prıgorodnyı», «Telman», «Zarechnoe», «Jeleznodorojnyı», «Kóktal», «Internatsıonalnyı», «Mıchýrıno», «Promyshlennyı», «ıÝgo-Vostok» turǵyn úı alaptaryna reıdter júrgizilip jatyr.
Qurmetti qala turǵyndary, ózderińiz turatyn úıde, aýlańyzda, tanystaryńyzdyń arasynda kámelet jasqa tolmaǵan mektepke barmaıtyn balalardy baıqasańyzdar, Bilim basqarmasyna nemese ýchaskelik polıtsııa qyzmetkerlerine habarlaýdy suraımyz. Bizdiń jáne jalpy qoǵamnyń maqsaty – barlyq balany orta bilimmen qamtamasyz etý. Sondyqtan, osy iste qoldaýlaryńyzdy suraımyz», - dedi qalalyq Bilim basqarmasynyń basshysy Qasymhan Senǵazyev Astana kommýnıkatsııalar ortalyǵynda.
Buǵan deıin Qasymhan Senǵazyev «Mektepke» jol aktsııasy aıasynda 22 myńnan astam balaǵa kómek kórsetiletinin aıtqan edi. Atap aıtqanda, Astanada jaǵdaıy tómen otbasy balalaryna 41 myń teńgeden beriledi. Bul kómekti alý úshin ata-analar mektepke júginýi qajet.
Sondaı-aq, bıyl jańa oqý jylynda Astanada 255 myń bala bilim alady. Birinshi synypqa 27 myńnan astam bala barady dep kútilip otyr.
