Mektepke saý barǵan balanyń birqatary bitirgende skolıozǵa shaldyǵady - Zaǵıpa Balıeva
«Zań jobasyna qosqymyz keletin birqatar usynysymyz bar. Kadrlardy daıyndaýǵa qatysty pedagog jáne dáriger degen eki mamandyqtyń bar ekendigine senimdimin. Olar tolyqtaı memlekettiń qoldaýynda bolýy kerek. Biraq, osynaý eki mamandyq qoǵam aldynda tolyqtaı jaýapty boly tıis. Elimizdiń eń basty azamaty - ol bala. Sondyqtan sizderdiń qandaı maman daıyndaıtyndaryńyzǵa balalarymyzdyń densaýlyǵy táýeldi bolady», - dedi depýtat Densaýlyq saqtaý mınıstri Eljan Birtanovqa qarata.
Z.Balıevanyń aıtýynsha, Densaýlyq saqtaý mınıstrligi, onyń ishinde Taýarlar men qyzmetterdiń sapasy men qaýipsizdigin baqylaý komıtıteti ózge de organdarmen belsendi yqtymaqtastyqta jumys isteýi qajet. Sebebi balalardyń deniniń saý bolýy atalǵan komıtettiń Ekologııa, Mádenıet jáne sport, Bilim jáne ǵylym mınıstrlikteri syndy memlekettik organdarmen birlesken jumysyna baılanysty. Osy oraıda ol balalardyń densaýlyǵyna qatysty naqty mysaldar da keltirdi.
«Sizderdiń derekterińizge sáıkes, 1-synypqa deni saý kelgen balalardyń 34 paıyzy 11-synypta emi joq skolıozdan zardap shekse, 72 balanyń kórýi nasharlaıdy. Bizge bul jaıynda oılaný qajet. Sondyqtan Baqylaý komıteti bul máselelerdi Ekologııa komıteti, Bilim jáne ǵylym mınıstrligi aldynda kóterýi tıis. Endi bul jaǵdaıdy birlesip túzeteıik», - dedi Zaǵıpa Balıeva.