Mektepke qorǵanýǵa arnalǵan ballondy alyp kirýge tyıym salynady - ІІM
NUR-SULTAN. QazAqparat – QR Іshki ister mınıstri Erlan Turǵymbaev qorǵaný úshin shashatyn gaz ballondaryn satyp alý erejesine qatysty túsinik berdi, dep habarlaıdy QazAqparat tilshisi.
«Gaz ballondarynyń túrli sanaty bolady. Buryshty, kózden jas aǵyzatyn degen sııaqty túrleri kóp. Sondyqtan, biz sanatyna qaraı jikteımiz. Dúken aralasyńyz, túr-túrin kóresiz. Bir bala mektepte ballon búrkip, búkil oqýshy ýlanǵan jaǵdaılar bolǵan. Osyndaı oqıǵalar bolmas úshin mektepke ballon alyp kirýge tyıym salamyz. ıAǵnı, bul azamattardyń qaýipsizdigine tikeleı baılanysty. Eń birinshi kezekte eshkim jaraqat almaǵany kerek. Іshki ister mınıstrliginiń basty mindeti de sol», - dedi mınıstr «Nur Otan» partııasynyń alańynda ótken azamattardy qabyldaý sharasynan keıin.
Vedomstvo basshysy ózin-ózi qorǵaý úshin satyp alynǵan qarýdyń kóbi qylmysqa sebepker bolyp jatqanyn aıtady.
«Esterińizde bolsa, biz travmatıkalyq qarýǵa tyıym salǵan bolatynbyz. Iá, olar erkin satylyp keldi. Ony ózin-ózi qorǵaý úshin ǵana ustaıdy degen ýájder bolǵan. Biz taldaý jasap kórdik. Travmatıkalyq qarýmen 650 shabýyl jasalǵan. Arasynda kisi ólimi de bar. Tek bir jaǵdaıda ǵana bul qarý ózin-ózi qorǵaý maqsatynda qoldanylǵan», - dedi ol.
Buǵan deıin habarlaǵanymyzdaı, elimizde qarý satyp alýdyń jańa erejesi kúshine endi. Endi azamattar qarý satyp alý úshin ony satatyn dúkende kámelettik jasqa tolǵanyn dáleldeý qajet. Sondaı-aq, sottalmaǵany týraly jáne medıtsınalyq anyqtamalar usynyp, qarý ustaýdyń qaýipsizdik erejelerin biletindigin dáleldeýi kerek.
