Mektepke deıingi uıymdardyń 70 paıyzǵa jýyǵy qazaq tilinde bilim berip júr

ASTANA. QazAqparat – Elimizdegi mektepke deıingi uıymdardyń 70 paıyzǵa jýyǵy qazaq tilinde bilim berip jatyr. Bul týraly Oqý-aǵartý mınıstrliginiń Mektepke deıingi bilim departamentiniń dırektory Natalıa Jumadildaeva aıtty, dep habarlaıdy QazAqparat tilshisi.

«Qazaq tilinde oqytatyn mektepke deıingi uıimdar ashý basym baǵyt retinde belgilengen. Respýblıkada qazaq tilinde oqytatyn 70 paıyzǵa jýyq mektepke deıingi uıymdar jumys istep jatyr. 2022 jyldan bastap tárbıe-bilim berý protsesine barlyq jas toptarynda qazaq tilin úırený boıynsha talaptar engizildi», - dedi N. Jumadildaeva Ortalyq kommýnıkatsııalar qyzmetindegi baspasóz máslıhatynda.

Osy oraıda ol pedagog tıisti baǵdarlama aıasynda qazaq tilin, qarym-qatynas mádenıetin meńgerýge yqpal etip, qazaq halqynyń mádenıetimen, salt-dástúrimen tanystyratynyn aıtty.

«Qazirgi kezde elimizde 1 mln 115 myń balany qamtyp otyrǵan 11 myń 104 mektepke deıingi uıym jumys istep tur», - dedi departament basshysy.

Budan buryn habarlanǵandaı, mektepke deıingi bilim berý uıymdarynda 97 408 pedagog jumys istep júr. Onyń ishinde aýyldarda 41 596 (42,7%), al qalada 55 811 (57,3%) adam qamtylǵan.