Mektepke deıingi tárıbe men oqytý boıynsha balalardy qamtý birqatar aımaqtarda 90 paıyzǵa jetti - B. Jumaǵulov
ASTANA. 24 tamyz. QazAqparat - Bıyl mektepke deıingi tárıbe men oqytý boıynsha balalardy qamtý birqatar aımaqtarda 90 paıyzǵa jetti.
Bul týraly búgin Astanada «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynyń plenarlyq otyrysy barysynda Bilim jáne ǵylym mınıstri Baqytjan Jumaǵulov málim etti.
«Mektepke deıingi tárbıe men oqytý boıynsha el Prezıdenti 2020 jyly balalardy 100 paıyz qamtý týraly tapsyrma berdi. 2009 jyly elimiz boıynsha qamtý 36 paıyz bolsa, 2012 jyly bul kórsetkish 65,4 paıyzǵa, al birqatar aımaqtarda 90 paıyzǵa jetti. Bul - barshaǵa birdeı múmkindik berýge jáne jańa adam kapıtalyn qalyptastyrýǵa jasalǵan qadam»,-dep atap ótti mınıstr.
