Mektepke deıingi tárbıe men mamandardy daıarlaýǵa memlekettik bilim tapsyrysyn ornalastyrýdyń Erejeleri bekitildi

***

Qazaqstan Respýblıkasy Bilim jáne ǵylym mınıstrliginiń buıryǵy №198

2012 jylǵy 4 mamyr  Astana qalasy

Mektepke deıingi tárbıe men oqytýǵa, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimi bar mamandardy daıarlaýǵa, sondaı-aq joǵary oqý oryndarynyń daıyndyq bólimderine memlekettik bilim berý tapsyrysyn ornalastyrý qaǵıdalaryn bekitý týraly

«Bilim týraly» Qazaqstan Respýblıkasy Zańynyń 5-babynyń 43) tarmaqshasyn iske asyrý maqsatynda buıyramyn:

1. «Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý týraly nusqaýlyqty bekitý týraly» Qazaqstan Respýblıkasy Bilim jáne ǵylym mınıstriniń 2011 jylǵy 31 naýryzdaǵy № 120 buıryǵynyń kúshi joıyldy dep eseptelsin (Normatıvtik quqyqtyq aktilerdi memlekettik tirkeý tiziliminde № 6935 tirkelgen jáne «Egemen Qazaqstan» gazetinde 2011 jylǵy 11 maýsym № 247-248 (26646) jarııalanǵan).

2. Qosa berilip otyrǵan Mektepke deıingi tárbıe men oqytýǵa, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimi bar mamandardy daıarlaýǵa, sondaı-aq joǵary oqý oryndarynyń daıyndyq bólimderine memlekettik bilim berý tapsyrysyn ornalastyrý qaǵıdalar bekitilsin.

3.Joǵary jáne joǵary oqý ornynan keıingi bilim departamenti (F.N.Jaqypova):

1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;

2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.

4. Osy buıryqtyń oryndalýyn baqylaý vıtse-mınıstr M.K.Orynhanovqa júktelsin.

5. Osy buıryq resmı túrde jarııalanǵan kúninen bastap qoldanysqa engiziledi.

                                                                                             Mınıstrdiń mindetin atqarýshy M.ORYNHANOV. 


Qazaqstan Respýblıkasy Bilim jáne ǵylym mınıstri mindetin atqarýshynyń 2012 jylǵy 4 mamyrdaǵy №198 buıryǵymen bekitilgen

Mektepke deıingi tárbıe men oqytýǵa, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimi bar mamandardy daıarlaýǵa, sondaı-aq joǵary oqý oryndarynyń daıyndyq bólimderine memlekettik bilim berý tapsyrysyn ornalastyrý qaǵıdalary

1. Jalpy erejeler

1. Osy Mektepke deıingi tárbıe men oqytýǵa, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimi bar mamandardy daıarlaýǵa, sondaı-aq joǵary oqý oryndarynyń daıyndyq bólimderine memlekettik bilim berý tapsyrysyn ornalastyrý týraly qaǵıdalar (budan ári - Qaǵıdalar) «Bilim týraly» Qazaqstan Respýblıkasynyń 2007 jylǵy 27 shildedegi Zańyna sáıkes ázirlengen.

Qaǵıdalar mektepke deıingi tárbıe men oqytýǵa, tehnıkalyq jáne kásiptik, orta bilimnen keıingi bilim, joǵary jáne joǵary oqý ornynan keıingi oqý orynnan keıingi bilimi bar mamandar daıarlaýǵa, sondaı-aq joǵary oqý oryndarynyń daıyndyq bólimderine olardyń beıinine, kadrlyq áleýetine, materıaldyq-tehnıkalyq bazasyna, aqparattyq resýrstaryna sáıkes, sondaı-aq olardyń ǵylymı-bilim berý qyzmetiniń ulttyq jáne halyqaralyq tanylý kórsetkishterin eskere otyryp, respýblıkalyq bıýdjet qarajaty esebinen memlekettik bilim berý tapsyrysyn ornalastyrý tártibin retteıdi.

2. Mektepke deıingi tárbıe men oqytýǵa memlekettik bilim berý tapsyrysy menshik nysanyna, tıpteri men túrlerine qaramastan bilim berý uıymdarynda ornalastyrylady.

Memlekettik jalpyǵa mindetti bilim berý standarty sheńberinde bir balaǵa eseptegende tárbıeleý men oqytý boıynsha mektepke deıingi uıymnyń aǵymdaǵy shyǵyndary memlekettik bilim berý tapsyrysy kóleminde óteledi.

3. Tehnıkalyq jáne kásiptik, orta bilimnen keıingi bilimi bar kadrlardy daıarlaýǵa arnalǵan memlekettik bilim berý tapsyrysy eldiń ındýstrıaldyq-ınnovatsııalyq damýynyń, kadrlarǵa salalyq jáne óńirlik qajettiliginiń basymdyqtaryna sáıkes menshik nysanyna jáne vedomstvolyq baǵynystylyǵyna qaramastan tehnıkalyq jáne kásiptik bilim berý uıymdarynda qurylady jáne ornalastyrylady.

4. Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysy eldiń ındýstrıaldyq-ınnovatsııalyq damýynyń, kadrlarǵa salalyq jáne óńirlik qajettiliginiń basymdyqtaryna sáıkes óńirlik joo men ǵylymı uıymdardyń ǵylymı- pedagogıkalyq kadrlarǵa qajettiligi eskerile otyryp joǵary oqý oryndarynda (budan ári - JOO) qurylady jáne ornalastyrylady.

5. Joǵary bilimi bar kadrlardy daıarlaýǵa arnalǵan memlekettik bilim berý tapsyrysy menshik nysanyna qaramastan joǵary oqý oryndarynda bilim berý salasyndaǵy ýákiletti organ ótkizetin konkýrs nátıjeleri boıynsha bilim berý granty túrinde ornalastyrylady.

6. Magıstrler men fılosofııa doktorlaryn (PhD)/beıini boıynsha doktorlardy, onyń ishinde óńirlik joǵary oqý oryndary men ǵylymı uıymdarǵa maqsatty daıarlaý úshin memlekettik bilim berý tapsyrysy menshik nysanyna qaramastan bazalyq joǵary oqý oryndarynda ornalastyrylady.

7. Daıyndyq bólimderiniń tyńdaýshylary úshin memlekettik bilim berý tapsyrysy bilim berý salasyndaǵy ýákiletti organ ótkizetin konkýrs nátıjesi boıynsha joǵary oqý oryndarynda ornalastyrylady.

2. Mektepke deıingi tárbıe men oqytýǵa memlekettik bilim berý tapsyrysyn ornalastyrý 

8. Memlekettik bilim berý tapsyrysyn ornalastyrý úshin qalalyq (aýdandyq) bilim bólimderi balalar quramyn toptastyrýdy júrgizedi.

Memlekettik bilim berý tapsyrysy boıynsha balalar quramyn toptastyrýda qalalyq (aýdandyq) bilim bólimderi kezek tizimin basshylyqqa alady.

Memlekettik bilim berý tapsyrysyn ornalastyrý úshin oblystyq (respýblıkalyq mańyzdy qalalar, astanalyq) jergilikti atqarýshy organdar (budan ári - JAO) konkýrs ótkizedi.

9. Mektepke deıingi bilim berý uıymdary menshik nysanyna qaramastan Qazaqstan Respýblıkasy Úkimetiniń 2004 jylǵy 21 jeltoqsandaǵy № 1353 qaýlysymen bekitilgen Mektepke deıingi uıym qyzmetiniń úlgi qaǵıdalarymen bekitilgen mektepke deıingi uıymdar qyzmetiniń normalary men qaǵıdalaryn saqtaý kezinde memlekettik bilim berý tapsyrysyn ornalastyrý úshin mektepke deıingi tárbıe men oqytý boıynsha qyzmet jetkizýshilerdiń tizbesine engiziledi.

10. Jekemenshik mektepke deıingi uıymdardyń tizbesin komıssııa jańadan engiziletin oryndarǵa konkýrstyq negizde qalyptastyrady.

Qatysýǵa ótinish bergen mektepke deıingi uıymdar konkýrsqa qatysýǵa jiberiledi. Ótinish nysany erikti.

Baıqaýǵa qatysý úshin oblystyq (respýblıkalyq mańyzdy qalalar, astanalyq) bilim basqarmasyna jekemenshik mektepke deıingi tárbıe men oqytý uıymdary kelesi qujattardyń paketin usynady:

1) komıssııa tóraǵasynyń atyna ótinish;

2) zańdy tulǵanyń memlekettik tirkeý (qaıta tirkeý) týraly kýáliginiń, jarǵynyń, statıstıkalyq kartanyń, STN, bankten anyqtamanyń, salyq organdarynan qaryzynyń joqtyǵy týraly anyqtamanyń kóshirmeleri;

3) jyljymaıtyn múlikke quqyqty ornatýshy qujattardyń kóshirmeleri (jekemenshik nemese jalǵa alý);

4) medıtsınalyq kabınetke lıtsenzııanyń nemese tirkelgen jerin eskere otyryp emhanamen qyzmettiń kórsetilýine jasalǵan sharttyń bolýynyń kóshirmeleri;

5) bilim berý organdarynyń joldamasymen memlekettik bilim berý tapsyrysy boıynsha balalardy qabyldaý týraly jetkizýshiniń mindettemesi.

Rastaıtyn qujattar:

1) qyzmet kórsetýdiń qaýipsizdik talaptaryna: Qazaqstan Respýblıkasy Úkimetiniń 2011 jylǵy 30 jeltoqsandaǵy № 1684 qaýlysymen bekitilgen «Balalar men jasóspirimderdi tárbıeleý jáne bilim berý obektilerine sanıtarlyq-epıdemıologııalyq talaptar» sanıtarlyq erejelerine» (budan ári - sanıtarlyq erejeler) sáıkestigi;

1) sanıtarlyq erejeler boıynsha materıaldarmen jáne quraldarmen jabdyqtaýdyń qajetti deńgeıine sáıkestigi;

3) tárbıeleý jáne oqytý baǵdarlamalarynyń Qazaqstan Respýblıkasynyń «Bilim týraly» Zańynyń (13.02.2012 j. berilgen ózgerister men tolyqtyrýlar) 4 baby 24 tarmaǵyna sáıkes bekitilgen mektepke deıingi tárbıe men oqytýdyń Memlekettik jalpyǵa mindetti standartynyń talaptaryna sáıkestigi.

Baıqaýdy uıymdastyrýshy (JAO) ótkizý ýaqytyn belgileıdi, komıssııa qurady jáne quramyn bekitedi; komıssııanyń jumysyn qamtamasyz etedi; komıssııanyń sheshimi negizinde mektepke deıingi uıymdar tizbesin bekitedi;

Komıssııa ótinishter salynǵan konvertterdi ashady jáne konkýrsqa qatysýshylardy anyqtaıdy, ótinishterdi qarastyrady, mektepke deıingi uıymdar tizbesin anyqtaıdy jáne ony bekitý úshin 30 kúntizbelik kún ishinde konkýrstyń uıymdastyrýshysyna usynady.

11. Jekemenshik mektepke deıingi uıym tarapynan memlekettik bilim berý tapsyrysy boıynsha oryn sanyna baılanysty usynystar sany artqan jaǵdaıda jetkizýshilerdi Komıssııa konkýrs negizinde tańdap alady.

12. Jetkizýshini konkýrs arqyly tańdaýdyń qosymsha krıterııleri:

1) tárbıeshilerdiń jalpy sanynan olardyń joǵarǵy jáne birinshi sanattaǵy úlesi - 10%-dan kem emes;

2) damýdyń perspektıvalyq josparynyń bolýy;

3) pedagogıkalyq protsesti qosymsha kórnekilik-ádistemelik materıalmen qamtamasyz etý, qazirgi zamanǵa saı oıyn qural-jabdyqtarynyń, balalar kórkem ádebıetiniń bolýy;

4) memlekettik mektepke deıingi bilim berý uıymdaryn oblystyq JAO bekitilgen ata-analar tóleminiń tarıfinen aspaıtyn memlekettik tapsyrys boıynsha balany kútip-baǵýǵa ata-analar tóleminiń mólsherin belgileý.

13. Komıssııa májilisten keıin 10 jumys kúni ishinde memlekettik bilim berý tapsyrysyn ornalastyrý úshin mektepke deıingi uıymdar tizbesi boıynsha qorytyndy shyǵarady.

Memlekettik bilim berý tapsyrysy buryn ornalastyrylǵan mektepke deıingi bilim berý uıymdary konkýrsqa qatyspaı hattamaǵa kirgiziledi.

Memlekettik tapsyrysty ornalastyrý úshin oryndardyń barynsha múmkin sany kórsetilgen sheshim hattama túrinde rásimdeledi.

Komıssııa músheleri daýysynyń kópshiligimen sheshim qabyldandy dep esepteledi.

Hattamany hatshy rásimdeıdi, komıssııa tóraǵasy qol qoıady. Komıssııa jylyna 2 ret májilis qurady. 

3. Tehnıkalyq jáne kásiptik, orta bilimnen keıingi bilimge memlekettik tapsyrysty ornalastyrý

14. Oblystyń, Astana jáne Almaty qalalarynyń bilim berý salasyndaǵy ýákiletti organ men jergilikti atqarýshy organdary (budan ári - JAO) tehnıkalyq jáne kásiptik, orta bilimnen keıingi bilim berý uıymdarynyń arasynda tehnıkalyq jáne kásiptik, orta bilimnen keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrady.

Qatysýǵa ótinish bergen tehnıkalyq jáne kásiptik, orta bilimnen keıingi bilim berý uıymdary konkýrsqa qatysýǵa jiberiledi. Ótinish nysany erikti.

Baıqaýǵa qatysý úshin ókiletti organǵa nemese JAO-ǵa tehnıkalyq jáne kásiptik, orta bilimnen keıingi bilim berý uıymdary kelesi qujattardyń paketin usynady:

1) erkin nysanda komıssııa tóraǵasynyń atyna ótinish;

2) zańdy tulǵanyń memlekettik tirkeý (qaıta tirkeý) týraly kýáliginiń, jarǵynyń, statıstıkalyq kartanyń, STN, bankten anyqtamanyń, salyq organdarynan qaryzynyń joqtyǵy týraly anyqtamanyń kóshirmeleri;

3) jyljymaıtyn múlikke quqyqty ornatýshy qujattardyń kóshirmeleri (jekemenshik nemese jalǵa alý);

4) memlekettik tapsyrysty ornalastyrýǵa usynys;

5) tehnıkalyq jáne kásiptik, orta bilimnen keıingi bilim berý baǵdarlamaly boıynsha bilim berý quqyǵyn anyqtaıtyn memlekettik lıtsenzııanyń (qosymshasymen) kóshirmeleri.

Tehnıkalyq jáne kásiptik, orta bilimnen keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý úshin tehnıkalyq jáne kásiptik, orta bilimnen keıingi oqý oryndaryn anyqtaý kezinde Komıssııa mynadaı negizgi ólshemderdi jáne rastaıtyn aqparatty basshylyqqa alady:

1) bilim berý protsesin kadrlyq jáne materıaldyq-tehnıkalyq qamtamasyz etýi jáne pedagogıkalyq qyzmetkeriniń biliktilik deńgeıi;

2) oqý, oqý-ádistemelik ádebıettermen jáne basqa da aqparattyq resýrstarmen qamtamasyz etilýi;

3) bilim alýshylardy jataqhanamen, qoǵamdyq tamaqtandyrý jáne medıtsınalyq qyzmet kórsetýmen qamtamasyz etý múmkindigi;

4) tehnıkalyq jáne kásiptik, orta bilimnen keıingi bilimi bar mamandyqtar bólinisinde bilim berý qyzmetin júrgizý quqyǵyna beriletin lıtsenzııanyń bolýy;

5) bitirýshiniń jumyspen qamtylýy jáne qajettiligi;

6) ınnovatsııalyq bilim berý tehnologııalaryn engizýi.

Komıssııa ótinishter salynǵan konkýrstyń ótetin merzimin anyqtaıdy, komıssııany qurady jáne onyń quramyn bekitedi, komıssııanyń jumysyn qamtamasyz etedi, komıssııa sheshiminiń negizinde tehnıkalyq jáne kásiptik, orta bilimnen keıingi bilim beretin oqý oryndarynyń tizimin bekitedi.

15. Tehnıkalyq jáne kásiptik bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý týraly sheshim ókiletti organdar men JAO-nyń ınternet-resýrstarynda jarııalanady.

16. Tehnıkalyq jáne kásiptik bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý úshin (budan ári - Komıssııa) qurylady. Komıssııa ókiletti organnyń nemese JAO-nyń, basqa da múddeli memlekettik organdar men vedomstvolardyń, qoǵamdyq uıymdardyń qyzmetkerleri qatarynan qurylady.

17. Komıssııa otyrysy onyń tóraǵasy bekitken jospar boıynsha ótkiziledi jáne eger onyń músheleriniń jalpy sanynyń 2/3-inen astamy qatyssa, zańdy dep esepteledi.

18. Komıssııa sheshimderi otyrysqa qatysýshy Komıssııa músheleriniń qarapaıym kópshiliginiń ashyq daýys berýi arqyly qabyldanady jáne ol tóraǵa qol qoıatyn hattamamen resimdeledi. Komıssııa quramynyń daýsy teń bolǵan jaǵdaıda Komıssııa tóraǵasynyń daýsy sheshýshi bolyp sanalady. 

4. Joǵary jáne joǵary oqý ornynan keıingi bilimi bar mamandardy daıarlaýǵa, sondaı-aq joǵary oqý oryndarynyń daıyndyq bólimderinde memlekettik tapsyrysty ornalastyrý 

19. Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý úshin bilim berý salasyndaǵy ýákiletti organ jyl saıyn joǵary oqý oryndarynyń arasynda konkýrs jarııalaıdy.

Konkýrs ótkizý týraly sheshim jáne konkýrstyq qujattamalar Qazaqstan Respýblıkasy Bilim jáne ǵylym mınıstriniń nemese onyń mindetin atqarýshy tulǵanyń buıryǵymen resimdeledi.

20. Konkýrs ótkizý týraly habarlandyrý bilim berý salasyndaǵy ýákiletti organnyń ınternet-resýrstarynda jarııalanady.

21. Konkýrs ótkizý úshin quramy Mınıstrdiń nemese onyń mindetin atqarýshy tulǵanyń buıryǵymen bekitiletin joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý jónindegi komıssııa (budan ári - Komıssııa) qurylady.

Komıssııa tóraǵasy Mınıstr bolyp tabylady. Komıssııa bilim berý salasyndaǵy ýákiletti organnyń, basqa da múddeli memlekettik organdar men vedomstvolardyń, qoǵamdyq uıymdardyń qyzmetkerilerinen qurylady. Komıssııa quramynyń sany onyń tóraǵasyn qosa alǵanda taq bolyp tabylady.

22. Komıssııa otyrysy onyń tóraǵasy bekitken jospar boıynsha ótkiziledi jáne eger onyń músheleriniń jalpy sanynyń 2/3-inen astamy qatyssa, zańdy dep esepteledi.

23. Komıssııa sheshimderi otyrysqa qatysýshy Komıssııa músheleriniń qarapaıym kópshiliginiń ashyq daýys berýi arqyly qabyldanady jáne ol tóraǵa qol qoıatyn hattamamen resimdeledi. Komıssııa quramynyń daýsy teń bolǵan jaǵdaıda Komıssııa tóraǵasynyń daýsy sheshýshi bolyp sanalady.

24. Konkýrstyq ótinimge enetin qujattarǵa uıymnyń birinshi basshysynyń qoly qoıylyp, eltańbaly mórmen rastalýy jáne konkýrsty ótkizý týraly habarlandyrýda kórsetilgen tártipte usynylýy qajet.

25. Konkýrstyq ótinimdi bilim berý salasyndaǵy ýákiletti organ konkýrs ótkizý týraly habarlandyrýda kórsetilgen saǵat pen kúnnen keshiktirmeı qabyldaýy tıis. Konkýrstyq ótinim berý merzimi aıaqtalǵannan keıin túsken konkýrstyq ótinim keshigý sebepterine qaramastan qaralmaıdy. Konkýrstyq ótinimderdi berý merzimi aıaqtalǵannan keıin olarǵa qandaı da bir ózgerister engizýge ruqsat etilmeıdi.

26. Komıssııa konkýrstyq ótinimderdi ótinim berilgen kúnnen bastap 20 kúntizbelik kún ishinde qarastyrady, olardyń konkýrstyq qujattamalar talaptaryna sáıkestigi deńgeıin anyqtaıdy jáne olardy baǵalaýdy júrgizedi.

27. Joǵary bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý úshin joǵary oqý oryndaryn anyqtaý kezinde Komıssııa mynadaı negizgi ólshemderdi basshylyqqa alady:

1) bilim berý protsesin kadrlyq jáne materıaldyq-tehnıkalyq qamtamasyz etýi jáne pedagogıkalyq qyzmetkeriniń biliktilik deńgeıi;

2) oqý, oqý-ádistemelik ádebıettermen jáne basqa da aqparattyq resýrstarmen qamtamasyz etilýi;

3) ǵylymı áleýeti men júrgizgen ǵylymı zertteýleriniń deńgeıi;

4) bilim alýshylardy jataqhanamen, qoǵamdyq tamaqtandyrý jáne medıtsınalyq qyzmet kórsetýmen qamtamasyz etý múmkindigi;

5) attestattalǵan, akkredıttelgen bilim berý baǵdarlamalarynyń bolýy;

6) bitirýshiniń jumyspen qamtylýy jáne qajettiligi;

7) ınnovatsııalyq bilim berý tehnologııalaryn engizýi.

28. Joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý úshin bazalyq joǵary oqý oryndaryn anyqtaý kezinde Komıssııa mynadaı negizgi ólshemderdi basshylyqqa alady:

1) JOO-nyń professorlyq-oqytýshylyq quramynan nóldik emes ımpakt-faktory bar sheteldik ǵylymı basylymdarda ǵylymı jarııalanymdary, sondaı-aq basqa elderdiń ǵalymdarymen belsendi halyqaralyq yntymaqtastyq ornatýda tájirıbesi, ǵylym doktory/fılosofııa doktory (Phd)/beıini boıynsha doktor/ǵylym kandıdaty ǵylymı dárejeleri bar ǵylymı jetekshiniń bolýy;

2) sheteldik áriptes JOO-larmen (ǵylymı uıymdarmen) birlesip, ǵylymı-bilim berý jobalaryn ázirleý;

3) birlesken ǵylymı jobalardy oryndaý jáne zertteý bazasyn usyný týraly akkredıttelgen áriptes ǵylymı uıymdarmen jasalǵan sharttardyń bolýy;

4) ǵylymı-bilim berý protsesin kadrlyq jáne materıaldyq-tehnıkalyq qamtamasyz etý;

5) álemdik ǵylymı jáne bilim berý resýrstaryna qol jetkizý;

6) attestattalǵan, akkredıttelgen bilim berý baǵdarlamalarynyń bolýy;

7) ınnovatsııalyq tehnologııalardy engizý;

8) joǵary oqý oryndarynyń halyqaralyq jáne ulttyq reıtıngilerine qatysý;

9) granttyq jáne baǵdarlamalyq-maqsatty qarjylandyrý negizinde irgeli jáne qoldanbaly zertteýler boıynsha ǵylymı jáne ǵylymı-tehnıkalyq baǵdarlamalar men jobalardy oryndaý:

10) halyqaralyq bilim berý jáne ǵylymı jobalarǵa qatysý;

11) bilim alýshylardy jataqhanamen, qoǵamdyq tamaqtandyrý jáne medıtsınalyq qyzmet kórsetýmen qamtamasyz etý múmkindigi.

29. Daıyndyq bólimderine tyńdaýshylardy oqytýǵa memlekettik bilim berý tapsyrysyn ornalastyrý úshin joǵary oqý oryndaryn anyqtaý kezinde Komıssııa mynadaı negizgi ólshemderdi basshylyqqa alady:

1) bilim berý úderisiniń kadrlyq jáne materıaldyq-tehnıkalyq qamtamasyz etilýi jáne pedagog qyzmetkerlerdiń biliktilik deńgeıi;

2) oqý, oqý-ádistemelik ádebıettermen jáne basqa aqparattyq resýrstarmen qamtamasyz etilýi;

3) joǵary oqý ornynda bilim alýshylarǵa jataqhanada orynnyń, qoǵamdyq tamaqtaný ornynyń jáne medıtsınalyq qyzmet kórsetý orny men sport zaly men jabdyqtarynyń jetkilikti bolýy.

30. Konkýrs joǵary jáne joǵary oqý ornynan keıingi mamandyqtar boıynsha bólek ótkiziledi.

31. Komıssııa baǵalaý negizinde jáne konkýrstyq ótinimdi salystyra kele tizbe boıynsha sheshim qabyldaıdy:

1) konkýrs sharttary boıynsha joǵary bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyratyn joǵary oqý oryndary;

2) konkýrs sharttary boıynsha mamandyqtar bólinisinde kólemi kórsetile otyryp, joǵary bilimi bar pedagog kadrlardy daıarlaýǵa arnalǵan memlekettik bilim berý tapsyrysy ornalastyrylatyn pedagogıkalyq joǵary oqý oryndary;

3) konkýrs sharttary boıynsha mamandyqtar bólinisinde, onyń ishinde magıstrlerdi jáne fılosofııa doktorlaryn (PhD)/beıini boıynsha doktorlardy maqsatty túrde daıarlaý úshin kólemin kórsete otyryp, joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyratyn bazalyq joǵary oqý oryndary.

32. Konkýrstyq komıssııa jumysynyń nátıjeleri boıynsha Mınıstrdiń nemese onyń mindetin atqarýshy tulǵanyń buıryǵymen:

1) joǵary bilimi bar kadrlar daıarlaýǵa arnalǵan memlekettik bilim berý tapsyrysy ornalastyrylatyn joǵary oqý oryndarynyń tizbeleri;

2) mamandyq bólinisinde, onyń ishinde magıstrlerdi jáne fılosofııa doktorlaryn (PhD)/beıini boıynsha doktorlardy maqsatty túrde daıarlaý úshin kólemin kórsete otyryp, joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysy ornalastyrylatyn bazalyq joǵary oqý oryndarynyń tizbesi;

3) joǵary oqý oryndarynyń daıyndyq bólimderine tyńdaýshylardy oqytýǵa memlekettik bilim berý tapsyrysy ornalastyrylatyn úshin joǵary oqý oryndarynyń tizbesi bekitiledi jáne bilim berý salasyndaǵy ýákiletti organnyń ınternet-resýrstarynda jarııalanady.

Buıryq Qazaqstan Respýblıkasynyń Ádilet mınıstrliginde 2012 jylǵy 2 maýsymda Normatıvtik quqyqtyq kesimderdi memlekettik tirkeýdiń tizilimine №7690 bolyp engizildi.