Mektepke deıingi, orta jáne kásiptik bilim berýdi damytýdyń 6 jyldyq tujyrymdamasy bekitildi
Málim bolǵandaı, tujyrymdama 2 jastan 6 jasqa deıingi balalar men mektep oqýshylaryna sapaly bilim berý úshin qolaıly jaǵdaı jasaýǵa baǵyttalǵan.
Atap aıtqanda, úsh aýysymmen oqytatyn jáne apatty mektepterdi joıý arqyly jaıly jáne qaýipsiz bilim berý ortasyn qurý jóninde sharalar qabyldanady. Máseleni sheshý úshin 1,5 mln jańa oqýshy orny ashylmaq. Mektepter qaýipsizdik júıelerimen tolyq jabdyqtalady. 2026 jylǵa qaraı aýyldarda, shaǵyn qalalarda jáne aýdan ortalyqtarynda 5 myń mektep jóndeýden ótedi.
Sondaı-aq, balalardyń shyǵarmashylyq, ıntellektýaldyq jáne fızıkalyq qasıetterin qalyptastyrý men oqýshylardyń demalysyn utymdy uıymdastyrý úshin qajetti deńgeıde kóńil bólinedi.
Tujyrymdamany oryndaý aıasynda tehnıkalyq jáne kásiptik bilim berý júıesinde qazaqstandyq jastardyń kolledjderde suranysqa ıe mamandyqtar boıynsha tegin bilim alýyna basa nazar aýdaryldy.
6 jyldyq josparmen myna silteme arqyly ótip, tolyq tanysýǵa bolady.
