Mektepke deıingi bilim berý uıymdarynda 97 myńnan astam pedagog bar

ASTANA. QazAqparat - Oqý-aǵartý mınıstrliginiń Mektepke deıingi bilim departamentiniń dırektory Natalıa Jumadildaeva bıyl balabaqshalardaǵy 21 myń tárbıeshi biliktiligin arttyrý kýrstarnan ótetinin aıtty, dep habarlaıdy QazAqparat tilshisi.

«Mektepke deıingi bilim berý uıymdarynda 97 408 pedagog jumys istep júr. Onyń ishinde aýyldarda 41 596 (42,7%), al qalada 55 811 (57,3%) adam qamtylǵan», - dedi N. Jumadildaeva.

Onyń aıtýynsha, jyl saıyn mektepke deıingi tárbıe men oqytý júıesindegi ózgeris aıasynda biliktilikti arttyrý kýrstarynan ótetin pedagogter sany artyp keledi.

«2022 jyly 14 myńnan astam pedagog kýrstardan ótse, 2023 jyly 21 myń maman qamtylady. Sonymen qatar, mektepke deıingi uıym tárbıeshileriniń jalaqysyn ósirý eskerilgen. Budan bólek, olardyń júktemesin azaıtý qarastyrylyp jatyr», - dedi departament basshysy.