Mektepke deıingi bilim berý baǵdarlamalarynyń 30 paıyzyn jańartý josparlanýda - A.Sárinjipov
ASTANA. 29 qazan. QazAqparat - Mektepke deıingi bilim berý baǵdarlamalarynyń 30 paıyzyn jańartý josparlanýda. Bul týraly búgin 2014-2016 jyldarǵa arnalǵan QR-dyń bilim jáne ǵylym salasy damýynyń basym baǵyttary talqylanǵan Úkimet otyrysynda QR Bilim jáne ǵylym mınıstri Aslan Sárinjipov málim etti.
«Bilim berý mazmunyn jaqsartý úshin mektepke deıingi bilim berý baǵdarlamalaryn 30 paıyzǵa jáne joǵary bilimi bar pedagogtar paıyzyn 30-ǵa deıin jetkizý josparlanýda»,- dedi ol.
Jalpy, onyń atap ótýinshe, mektepke deıingi bilim berý salasyndaǵy kórsetkish artyp keledi. Qazirgi tańda 3-6 jas aralyǵyndaǵy balalardyń 70 paıyzy balabaqshamen qamtylǵan.
«Bul jumystardy jalǵastyrý qajet. Degenmen, baǵdarlamalardyń sapasyna, tárbıeshilerdiń biliktiligin arttyrýǵa nazar aýdarý kerek. Bul rette biz 2016 jyly, ıaǵnı 3 jyldan keıin «Balapan» baǵdarlamasy boıynsha 80 paıyzdyq qamtý kórsetkishine qol jetkizý mindetin qoıyp otyrmyz. Sáıkesinshe, mektepke deıingi uıymdar sany shamamen 10 myń boly tıis», - dedi mınıstr.
