Mektepke deıingi bilim beretin jańa býyn pedagogtaryn daıarlaý qajet - B. Jumaǵulov
ASTANA. 24 tamyz. QazAqparat - Mektepke deıingi bilim beretin jańa býyn pedagogtaryn daıarlaý qajet.
Bul týraly búgin Astanada «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynyń plenarlyq otyrysy barysynda Bilim jáne ǵylym mınıstri Baqytjan Jumaǵulov málim etti.
«Biz álemdik tendentsııalarǵa taldaý jasadyq. Ol mektepke deıingi tárbıeniń mektepke deıingi bilim berýge aınalyp kele jatqanyn kórsetti. «Úlken jetilik» elderinde balalardy erte jastan oqytý qarastyrylǵan. Mektepke deıingi jastaǵy balalardy jan-jaqty damytýǵa kóńil bólinedi»,-dedi mınıstr.
Onyń sózine qaraǵanda, mektepke deıingi oqytý men tárıbeniń mazmunyn jáne ádisterin qaıta qarastyrý kerek. Olar ár balanyń jeke qabiletin damytýǵa baǵyttalýy tıis.
