Mektepke deıingi balalar arasynda shyǵarmashylyq festıvali ótedi
ASTANA. 24 qarasha. QazAqparat - Qazaqstan Respýblıkasynyń Tuńǵysh Prezıdenti kúnine arnalǵan «Elimizdiń bolashaǵy» atty balalar shyǵarmashylyǵynyń qalalyq festıvali 30 qarashada elordada Oqýshylar saraıynda ótedi. Bul týraly elordanyń resmı saıty habarlady.
Іs-sharaǵa 20-23 qarasha aralyǵynda №37 «Arman» jáne №22 «Álem» balabaqshasynda irikteý kezeńinen ótken 5 jastan 7 jasqa deıingi sábıler qatysady. Baıqaý: vokal, mánerlep oqý jáne bı óneri - úsh shyǵarmashylyq baǵytta uıymdastyrylady.
«Festıval qazirgi qoǵamda balanyń úılesimdi damýyn tárbıeleý, onyń eliniń bólinbes kishkentaı bólshegi retindegi túsinigin qalyptastyrý, boıynda adamgershilik, rýh, otansúıgishtik pen ulttyq mádenıetke degen qurmet sezimin tárbıelep, vokaldyq qabiletterin damytý jáne eń jaqsy patrıottyq ánderdi nasıhattaýdy maqsat tutady», - deıdi festıval uıymdastyrýshylary.
