Mektepke daıarlyq mekemelerinde 230 myńnan astam búldirshin bilim alýda
ASTANA. 23 qyrkúıek. QazAqparat - «Balapan» baǵdarlamasyn júzege asyrýdyń arqasynda qosymsha 230 myńnan astam búldirshindi mektepke deıingi tárbıemen jáne oqýmen qamtý múmkin bolyp otyr,
dep habarlady pm.kz saıtyna QR Bilim jáne ǵylym mınıstrliginiń baspasóz qyzmetinen.
«Balapan» baǵdarlamasyn júzege asyrýdyń barysynda mektepke daıarlyq mekemeleriniń sany 3,5 myńnan astamǵa artyp otyr, bul 831 balabaqsha men 2697 shaǵyn ortalyq. Osynyń arqasynda 230 myńnan astam baldyrǵan mektepke deıingi tárbıemen jáne bilimmen qosymsha qamtylýda», -delingen vedomstvo habarlamasynda.
Sońǵy eki jylda 3-6 jastyń aralyǵyndaǵy balalardy qamtý kórsetkishi eki esege ósip otyr. Eger 2010 jyly olardyń sany - 36,2% qurasa, 2012 jyly - 65,4% boldy. 1-6 jas aralyǵyndaǵy balalardy mektepke deıingi tárbıemen jalpy qamtý kórsetkishi 50% jýyqtap, ıÝNESKO málimeti boıynsha 41% shamalaıtyn ortasha álemdik kórsetkishten edáýir asyp tústi.
Sondaı-aq balabaqshalardan oryn bólýdiń qoljetimdiligin jáne ashyqtyǵyn qamtamasyz etý maqsatynda «Balabaqshalarǵa balalardy tirkeý» elektrondyq memlekettik qyzmeti iske qosyldy jáne bul qyzmet Internet arqyly jáne Halyqqa qyzmet kórsetý ortalyqtarynda kórsetiledi.
