Mektepke bomba qoıylǵany jaıly jalǵan habarlama taratqan pavlodarlyq oqýshy ustaldy
Atalǵan oqıǵanyń mán-jaıyn Іshki ister mınıstrliginde ótken brıfıngide vedomstvo ókili Shuǵyla Turlybek aıtyp berdi.
«Pavlodar oblystyq polıtsııa jáne Ulttyq qaýipsizdik komıtetiniń departamentterimen mektepte bomba qoıylǵany týraly jalǵan habarlamalar taratqan kúdikti anyqtaldy. Onyń 14 jastaǵy oqýshy ekeni belgili boldy. Kúdikti jańa telefon nómirilerin qoldaný arqyly aqpan men sáýir aralyǵynda álemettik jelilerde túrli akkaýnt ashyp, jalǵan habarlamalardy mektepterdiń elektrondyq poshtasyna joldap otyrǵan. Bul oqıǵa boıynsha sotqa deıingi tergeý amaldary júrgizilýde», - dep málim etti Shuǵyla Turlybek.
Mınıstrlik ókili jalǵan terrorızm aktisi týraly habar taratqandar qylmystyq jaýapkershilikke tartylatynyn eskertti.
Buǵan deıin habarlaǵanymyzdaı, keıingi 5 jylda kámeletke tolmaǵan 10 845 azamat qylmystyq jaýapqa tartylǵan.
