Mektepaldy synypqa qabyldaý tártibi bekitildi
ASTANA. KAZINFORM — Balalardy mektepaldy synypqa qabyldaý tártibi bekitildi. Mektepaldy synypqa qabyldaý úshin qujattar 1–31 tamyz aralyǵynda qabyldanady.
Oqý-aǵartý mınıstriniń mindetin atqarýshynyń 2026 jylǵy 17 qyrkúıektegi buıryǵymen mektepke deıingi bilim berý salasynda memlekettik qyzmet kórsetý qaǵıdalary bekitildi.
Qujatqa sáıkes, jalpy bilim beretin mektepter, lıtseıler men gımnazııalardyń mektepaldy synyptaryna qujat qabyldaý jáne balalardy qabyldaý qyzmetin orta bilim berý uıymdary kórsetedi.
Ótinishti «tsıfrlyq úkimet» portaly arqyly nemese bilim berý uıymyna tikeleı berýge bolady.
Mektepaldy synypqa qabyldaý úshin myna qujattar qajet:
· ótinish;
· ımmýndaý pasporty;
· densaýlyq pasporty;
· tsıfrlyq fotosýret.
Qujattar mektepke tikeleı tapsyrylsa, buǵan qosa balanyń týý týraly kýáligi men ata-anasynyń jeke basyn kýálandyratyn qujat qajet.
Qujattar tolyq tapsyrylǵan jaǵdaıda, mektepaldy synypqa qabyldanǵany týraly habarlama 1 qyrkúıekten bastap bir jumys kúni ishinde beriledi.
Balalardy mektepaldy synypqa qabyldaý týraly buıryqty mektep 25 tamyzdan erte shyǵarmaıdy.
Buıryq 2026 jylǵy 3 qazanda kúshine enedi.
Buǵan deıin bilim alýshylardyń úlgerimin baǵalaý jáne attestattaý qaǵıdalaryna ózgerister engizilgeni habarlanǵan edi.
