Mektep janyndaǵy jol ınfraqurylymyn damytýdyń keshendi jospary ázirlendi

ASTANA. KAZINFORM – Bıyl oqý oryndarynyń janynda jol ınfraqurylymyn damytý boıynsha keshendi jospar ázirlenip, ony oblys ákimi bekitti. Bul týraly Іshki ister mınıstrligi Ákimshilik polıtsııa komıtetiniń basqarma bastyǵy Áset Ospanov málim etti. 

«Balalardyń jol-kólik jaraqatyn azaıtý maqsatynda mektepter jáne mektepke deıingi mekemeler men olarǵa irgeles aýmaqtar ornalasqan jerlerdegi jol ınfraqurylymynyń jaı-kúıine tekserý júrgizildi. Osylaısha, ár oblysta 2024 jylǵa arnalǵan oqý oryndarynyń janynda jol ınfraqurylymyn damytý boıynsha keshendi jospar ázirlenip, ony oblys ákimi bekitti», - dedi Áset Ospanov vedomstvoda ótken baspasóz máslıhatynda.

Buǵan deıin elimizde ógeı ata-anamen turatyn balalar erekshe baqylaýǵa alynatyny týraly habarlaǵan edik.

Sondaı-aq, brıfıng barysynda bala tárbıesine osal qaraǵan 6 myńnan astam ata-ananyń esepke alynǵany aıtyldy.