Mektep ustazy G.Ábdiqalyqovaǵa qazaq tilin jedeldetip oqytý ádistemesin tanystyrdy
«Men búgin óz jobamdy tanystyrýǵa kelip otyrmyn. Ol qazaq tilin jedeltetip oqytý dep atalady. Bul reseılik ǵalym D.Petrovtyń ádistemesiniń jáne aǵylshyn tilin úıretý ádistemeleriniń qazaq tiline ıkemdelgen, yqshamdalǵan kóshirmesi. Ony qazirgi tehnıkalyq quraldardyń kómegimen ǵalamtorǵa jarııalaý arqyly qazaq tilin úırenemin degen qazaqstandyqtar men sheteldik azamattardyń nazaryna usyndyq. Qazirgi ýaqytta suranysy joǵary bolyp tur», - dedi ol kezdesý aldynda BAQ ókilderine.
Aıta keteıik, G.Ábdiqalyqova elimizdiń bilim berý júıesiniń qyzmetkerlerimen kezdesti. Júzdesý barysynda Memleket basshysy usynǵan 5 ınstıtýttyq reforma aıasyndaǵy, sonymen birge pedagogtardyń mártebesin kóterý, aýyl mektepteriniń, tehnıkalyq bilim berý mekemeleriniń, ǵylymı jáne pedagogıkalyq uıymdardyń jumystaryna baılanysty ózekti máseleler talqylandy. Talqylaý nátıjesi boıynsha Memlekettik hatshy quzyrly memlekettik organdarǵa birqatar naqty tapsyrma berdi.
