Mektep týrızmi: Oqýshylardy úlken ekspedıtsııa kútip tur

ASTANA. QazAqparat - 2019 jyly ótetin Jastar jyly aıasynda Qazaqstan halqy Assambleıasy birqatar sharalardy qolǵa alǵaly otyr. Onyń biri - el ishindegi oqýshylar úshin uıymdastyrylatyn aımaqtyq ekspedıtsııa, dep habarlaıdy QazAqparat tilshisi.

«Qazaqstan halqy Assembleıasy elimizdiń óńirleri boıynsha buqaralyq mektep týrızmin qolǵa alady. «Óz jerińdi tanyp bil» jobasy aıasynda QHA respýblıkalyq-týrıstik «El taný» ekspedıtsııasyn bastaıdy. Respýblıkalyq ekspedıtsııa jastar men mektep oqýshylarynyń bir-biriniń aımaqtaryn aralaý mazmunynda júrgiziledi», - dedi QHA Keńesiniń keńeıtilgen otyrysynda QHA Tóraǵasynyń orynbasary - Hatshylyq meńgerýshisi Leonıd Prokopenko.

Sonymen qatar, onyń aıtýynsha, jastar arasyndaǵy áskerı-patrıottyq tárbıeni kúsheıtý maqsatynda Dostyq úıleriniń janynan áskerı-patrıottyq klýbtardy ashý usynylyp otyr.

«Elbasynyń bastamalaryn aqparattyq turǵyda ýaqtyly ári júıeli túrde qoldaý úshin Qazaqstan halqy Assembleıasy «Jańǵyrý elshileri» jobasyn júzege asyrady. Onyń pýlyna ártúrli salalardyń úzdik ókilderi enedi», - deıdi Leonıd Prokopenko.
 

Eske sala ketsek, budan buryn Leonıd Prokopenko 2019 jyly ótetin «Jastar jylynda» Qazaqstan halqy Assambleıasynyń «Jańǵyrý joly» respýblıkalyq jastar qozǵalysy arnaıy jol kartasy boıynsha jumys júrgizetinin habarlaǵan bolatyn.