Mektep túlekteri UBT-ny birneshe márte tapsyra alady - A.Sárinjipov
ASTANA. 16 jeltoqsan. QazAqparat - Mektep túlekteri Ulttyq biryńǵaı testini birneshe márte tapsyra alady. Bul týraly «KTK» telearnasynyń «Halyq qyzmetshisi» baǵdarlamasynda qonaq bolǵan QR Bilim jáne ǵylym mınıstri Aslan Sárinjipov aıtty.
«Ýaqyt óte kele UBT júıesinde problemalar týyndap otyr ári onyń eń bastysy oqýshylar oqymaıdy, testige daıyndalady. Budan bólek kúızeliske ushyraý júktemesi de tym úlken. UBT arqyly birden birneshe másele sheshiledi. Olar mynalar: sizdiń mektepti qalaı bitirgenińiz, mektep jumysyn baǵalaý, JOO-da bilim alý úshin grant alasyz ba álde almaısyz ba? Birqatar usynystar bar, olardyń kómegimen bul máselelerdi sheshe alamyz. Damyǵan elderdegi sııaqty testini birneshe márte tapsyrý múmkinshiligi berilýi múmkin. Múmkin sen testini kúızelis kezinde ne bolmasa ózińdi nashar sezingende tapsyrǵan shyǵarsyń... Sonymen qatar testini onlaın rejimde de tapsyrýǵa bolady», - dedi mınıstr.
