Mektep túlekteri «Meniń ataýly aǵashym» aktsııasyna qosylýda

ASTANA. 24 mamyr. QazAqparat - Erteń Jambyl Jabaev atyndaǵy № 4 mektep-gımnazııasynyń túlekteri «Bolashaqtyń energııasy!» uranymen ózderiniń esimderi jazylǵan aǵashtar otyrǵyzýmen aınalysady.

Bul shara «Bolashaq búginnen bastalady!» respýkblıkalyq naýqanynyń aıasynda ótedi.

Mektep túlekteriniń (105 adam) qatysýy josparlanǵan atalmysh aktsııa Sońǵy qońyraý kúnine oraılastyrylyp, «Jastardyń eńbek jasaqtarynyń respýblıkalyq shtaby» jekemenshik mekemesimen uıymdastyrylǵan.

Maqsaty - mektep aýmaǵyn kógaldandyrý, mektep túlekterinde eńbeksúıgishtik jáne qorshaǵan ortaǵa jaýapkershilik sezimderin tárbıeleý, kóshetterdi otyrǵyzý jáne túlekterdiń eresek ómirge qadam basýy arasyndaǵy paralleldi ótkizý.

«Jasyl el» respýblıkalyq shtaby» «Meniń ataýly aǵashym» aktsııasyn jyl saıyn ótkizedi. Sonyń nátıjesinde óz qyzmetiniń barlyq jyldarynda búkil respýblıka boıynsha atalǵan aktsııaǵa 27 myńnan astam adam qatysyp, túrli aǵashtardyń 54 myńnan astam kóshetteri otyrǵyzyldy. Aktsııa jastardyń qoǵamdyq-paıdaly eńbekke jaqsy qatynasynyń qalyptasýyna septigin tıgizetin olardyń birigýiniń faktory bolyp tabylady», - dep málimdeıdi sharanyń uıymdastyrýshylary jáne barlyǵyn oǵan qatysýǵa shaqyrady.