Mektep túlegi júrgizýshi kýáligin alyp shyǵatyn bolady - Saǵadıev
ASTANA. QazAqparat - Qazaqstanda mektep túlegi júrgizýshi kýáligin alyp shyǵatyn bolady. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
«Balalardyń jolda jaraqat alý deńgeıi azaımaı otyr. Osyǵan baılanysty alǵashqy áskerı daıyndyq oqý baǵdarlamasyna oqýshylarǵa kólik júrgizý, sonymen qatar jol qaýipsizdigi erejesin oqytýdy engizetin bolamyz. Osynyń nátıjesinde mektep bitiretin balalarǵa kólik júrgizý kýrsyn bitirgendigi týraly kýálik beriledi. Muǵalimderdi qaıta daıarlaýǵa qarajatymyz bar», - dedi mınıstr.
Onyń aıtýynsha, bul jaıynda elimizdiń Qorǵanys mınıstrligimen arada kelisim de jasalǵan.
«Protsess kezeń-kezeńimen 2017 jyldan bastap qolǵa alynady», - dedi E.Saǵadıev.
