Mektep te, ata-ana da, pedagog ta saq bolýy kerek - Isekeshev oqýshy ólimi týraly
ASTANA. QazAqparat - Astana qalasynyń ákimi Áset Isekeshev qaladaǵy №59 mektep-lıtseı oqýshysynyń ólimine qatysty túsinikteme berdi, dep habarlaıdy QazAqparat tilshisi.
«Qazir saraptamalar júrgizilip jatyr. Sonyń qorytyndysyn kútemiz. Mundaı jaǵdaılarda aldyn ala boljam degen bolmaıdy. Qazir qatarynan birneshe saraptama júrip jatyr. Onymen qatar, Іshki ister departamenti tergeý júrgizip jatyr. Qylmystyq is qozǵaldy. Árıne, qala ákimi retinde meni bundaı jaǵdaı alańdatady. Bul jerde mektep te, ata-ana da, pedagog ta saq bolýy kerek»,-dedi Á.Isekeshev.
Esterińizge sala keteıik, 30 qarasha kúni Astana qalasyndaǵy №59 mektep-lıtseıinde 8-synyp oqýshysy mektepte júrip, qaıtys bolǵan edi. Ustazdar bala júregi qysylyp qulap qaldy dese, marqumnyń týǵan týystary mektepte tóbeles bolǵanyn aıtyp, áleýmettik jelige balanyń sýretin jarııalap júr.
