Mektep tabaldyryǵyn attamaǵan balalardyń sany artyp otyr - S. Tursynov
azannyń 13-i. QazAqparat /Qanat Mámetqazyuly/ - Elimizde mektep tabaldyryǵyn attamaǵan balalardyń sany artyp otyr.
Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Saǵynbek Tursynov osylaı málim etti.
«Ata zańymyz boıynsha azamattardyń memlekettik oqý oryndarynda tegin orta bilim alýyna kepildik berilgen. ıAǵnı, kez kelgen jas bala orta bilim alýǵa mindetti. Alaıda osy mindetten jaltaryp, aılap mektep tabaldyryǵyn attamaıtyn balalardyń sany artyp bara jatqandyǵy týraly aqparat quraldarynan, kelip túsken hattardan bilip jatyrmyz. Keıbir resmı derekterge qulaq túrsek, Almaty qalasynda - 1 myń 100, Shyǵys Qazaqstan oblysynda - 64, Aqmola oblysynda - 50, Taraz qalysynyń ózinde ǵana 23 bala áli kúnge mektep partasyna otyrmaǵan. Bul resmı derek, beıresmı málimette onyń kórsetkishi áldeqaıda joǵary», -dedi depýtat.
Onyń aıtýynsha, 1998 jyldary osy taqylettes máseleler kóterilip, arnaıy zertteýler júrgizilgen. Osyǵan oraı, S. Tursynov jalpy elimizde mektepke barmaı otyrǵan balalardyń sanyn bilý qajettigin aıtyp, ondaı jaǵdaıdaǵy aldyn alý sharalaryna nazar aýdarý tıistigin alǵa tartty.
