Mektep syrtyndaǵy ájethana máselesi qashan sheshiledi – mınıstr jaýaby

ASTANA. KAZINFORM – Oqý-aǵartý mınıstri Ǵanı Beısembaev mekteptiń syrtynda ornalasqan  ájethanalarǵa qatysty máselege pikir bildirdi.

«Osydan úsh jyl buryn 3 myńǵa jýyq mektep ájethanasy syrtta bolǵan. Búginde bizdegi málimet boıynsha mekteptiń syrtynda ornalasqan 10 ájethana qaldy, ıaǵnı sý qubyry tartylmaǵan, kommýnıkatsııa joq shalǵaıdaǵy aýyl mektepteri», - dedi Ǵanı Beısembaev Úkimet otyrysynan keıin ótken baspasóz máslıhatynda.

Odan ári mınıstr atalǵan problemany túbegeıli sheshýdi oılastyryp jatqanyn jetkizdi.

«Mektep syrtynda ornalasqan ájethanalar bar, ony jasyrmaımyn. Jerlikti atqarýshy organ bul dárethanalar saqtyq úshin kerek dep sanaıdy. Sebebi, ishtegi ájethanalar buzylyp qalýy nemese jóndeýdi qajet etýi múmkin. Biraq, biz bul máseleni jergilikti atqarýshy organdarmen aqyldasyp jatyrmyz», - deıdi vedomstvo basshysy.

Aıta keteıik, bıyl jańa oqý jylynda 1,7 mln oqýshyǵa tegin tamaq beriledi. 

Buǵan deıin mınıstr mektep qaýipsizdigin baıaý qamtamasyz etip jatqan óńirlerdi atady. 

Sondaı-aq, shekara mańyndaǵy mektepterdiń ınternet máselesi qalaı sheshilip jatqany týraly habarlaǵan edik.