Mektep psıhologterin basqasha ataý usynyldy

ASTANA. KAZINFORM — Senatta ótip jatqan dóńgelek ústelde Shymkent qalasy máslıhatynyń tóraǵasy Bahadyr Narymbetov mektep psıhologterin basqasha ataýdy usyndy.

«Ondaı mentalıtet jalpy Qazaqstanda da bar shyǵar. Bizde, ońtústikte psıholog degennen ata-analar shoshıdy. Psıhologti psıhıatrmen shatastyryp, balam „psıh bop shyqty ma“ dep esepteıdi. Sol sebepten osy mamandyqtyń ataýyn ózgertsek, qıyndyq týyndamaıtyn shyǵar. "Tárbıeshi" nemese "nusqaýshy" ataýǵa bolatyn sııaqty.

Biliktilikte psıholog mamandyǵy bola bersin, al bylaısha ataýy biz usynǵandaı bolsa durys bolar edi», — dedi ol.

Sondaı-aq, ol mekteptegi kúzet qyzmetiniń qunyn kóterýdi usyndy. Aıtýynsha, qazirgi qunyna sapaly qyzmet kórsetetin uıymdar qyzyqpaı otyr.