Mektep pen ata-ana qatynasynyń jańa formatyn qalyptastyramyz - Bilim mınıstri

NUR-SULTAN. QazAqparat - Elimizde mektep pen ata-ana qatynasynyń jańa formaty qalyptastyrylady. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Uly oıshyl ál-Farabı aıtqandaı, »Tárbıesiz berilgen tárbıe adamzattyń qas jaýy«. Sondyqtan alǵash ret memlekettik baǵdarlamada tárbıe berý, otbasylyq qundylyqtardy nasıhattaý máselesi bólek baǵyt retinde qarastyrylyp otyr. Mektep pen ata-ana qatynasynyń jańa formatyn qalyptastyramyz. Qundylyqtarǵa negizdelgen bilim berýdi iske asyrý, debattyq qozǵalystardy damytý, teatrǵa baýlý, Jas qyran, Jas ulan qozǵalystaryn ary qaraı damytý barlyq bilim berý deńgeılerinde júrgiziledi dep oılaımyz», - dedi 2025 jylǵa deıin Qazaqstanda bilim men ǵylymdy damytýdyń memlekettik baǵdarlamasyn tanystyrǵan mınıstr.

Onyń atap ótýinshe, oqýshylar men stýdentterdiń sporttyq lıgalaryn qurý josparlanǵan. Búginde bul kórsetkish nebári 30 paıyzdy ǵana quraıdy. Sondyqtan bul baǵyttaǵy jumys odan ary belsendi júrgizilmek.

«Al orta bilim boıynsha Joldaýda berilgen tapsyrmaǵa sáıkes oqýlyqtardy ázirleý, saraptaý, basyp shyǵarýdyń jańa júıesin engizemiz. Jańartylǵan bilim berý mazmunyna kóshýdi aıaqtaımyz. Kezeńdep 12-jyldyq bilimge aýysý, krıterıaldy baǵalaý jáne oqý baǵdarlamalaryn jetildirýdi qarastyryp otyrmyz. Inklıýzıvti bilim berý 55 paıyzdan artyq ósip, balalardyń sapaly bilim alýyna barlyq deńgeıde jaǵdaı jasalatyn bolady», - dedi Ashat Aımaǵambetov.