Mektep oqýshysy Tatarstan Prezıdentiniń kómekshisi boldy
ASTANA. QazAqparat - Qazan qalasynda turatyn mektep oqýshysy Amıl Nýrýllın Tatarstan Prezıdenti Rýstam Mınnıhanovtyń kómekshisi retinde bir kúnin ótkizedi, dep habarlaıdy «Tatar-ınform» AA.
№ 19 Qazan gımnazııasynyń onynshy synyp oqýshysy Tatarstan Prezıdentine qalalyq orta men tatar tilin damytý boıynsha usynystaryn jazǵan hatty joldaǵan. Respýblıka kóshbasshysy mektep oqýshysynyń hatyna jaýap retinde ony Prezıdenttiń kómekshisi retinde bir jumys kúnin ótkizýge shaqyrdy.
Amıl Nýrýllın búgin TR Prezıdentimen apta saıyn respýblıkadaǵy mınıstrler men vedomstvo basshylarynyń qatysýymen ótetin apparattyq jınalysqa qatysty. Mınnıhanov qol astyndaǵylarǵa oqýshynyń bir kún boıy onyń kómekshisi bolatynyn aıtyp, tanystyrdy.
Úkimet úıindegi jınalystan keıin TR Prezıdenti Rýstam Mınnıhanov Amıl Nýrýllınmen birge Nıjnekamskige ushyp baryp, «TANEKO» munaı óńdeý kesheniniń qurylysyn kórdi.
Budan keıin Prezıdent pen onyń jas kómekshisi Almetevsk qalasyndaǵy №3 aýrýhananyń ashylýyna qatyspaqshy. Tústen keıin Tatarstan Prezıdenti túrli BAQ jýrnalısterimen kezdesý ótkizedi. Amıl Nýrýllın de bul sharaǵa qatysady.
