Mektep oqýshysy sabaq barysynda óz-ózine qol salmaq boldy
ASTANA. 30 sáýir. QazAqparat - Tsıntsınnatı (Ogaıo shtaty) qalasynda er balalarǵa arnalǵan katolıktik mekteptiń oqýshysy synyptastarynyń aldynda óz-ózine qol jumsamaq boldy.
Bul týraly Ýtro.rý. habarlap otyr.
The Huffington Post málimdeýinshe, oqıǵa La Salle mektebinde 29 sáýir kúni jergilikti ýaqyt boıynsha tańǵy saǵat 8.00-de boldy.
Jasóspirim birinshi sabaqtyń ústinde óziniń basyna oq atqan. Bul ýaqytta úshinshi qabatta ornalasqan synypta 22 bala bar edi. Jaraqattanǵan oqýshy Tsıntsınnatı medıtsınalyq ortalyǵyna jetkizildi. Onyń jaǵdaıyn aq halattylar aýyr dep baǵalap otyr.
Oqıǵaǵa kýá bolǵandardyń aıtýynsha, barlyǵy qas-qaǵym sátte boldy. Sabaq barysynda oqýshy kenetten tapanshany alyp shyǵyp, ózine atqan. Onyń birneshe synyptasy birden 911 qyzmetine habarlasyp, tártip saqshylary men jedel járdemdi shaqyrdy.
