Mektep oqýshysy oryndyq laqtyryp, muǵalimdi esten tandyrdy
ASTANA. QazAqparat - RF Irkýtsk oblysy Chýnskıı aýdany ákimdiginiń baspasóz qyzmeti №90 mektepte buǵan deıin urlyq jasaǵany úshin sotty bolǵan jasóspirimniń muǵalimine oryndyq laqtyrǵanyn habarlady.
Oryndyq egde jastaǵy muǵalimniń mańdaıyna tııýi saldarynan ol es-túsinen aırylǵan. Dárigerler ustazdyń mıy shaıqalǵanyn anyqtap otyr.
16 jastaǵy jasóspirim sabaq ortasynda basqa synyptan kirip kelgen. Muǵalim onyń shyǵýyn suraǵan, alaıda ol jat qylyq kórsetip, dóreki sóılep, artynsha muǵalimge qaraı oryndyq laqtyrady. Aýdan ákimdigi habarlamasynda aıtylǵandaı, ol shilde aıynda Angar tárbıeleý kolonııasynan merziminen buryn shartty túrde bosatylǵan. Endi ony kolonııaǵa qaıta oralyp, 4 aı qalǵan merzimin óteý jazasy kútip tur.
