Mektep oqýshysy atasyna «aqyldy taqııa» jasap berdi
ASTANA. QazAqparat - Atyraý qalasyndpǵy Nazarbaev zııatkerlik mektebiniń oqýshysy Sáttiǵalı Joldasbaı kózi nashar kóretin atasyna «aqyldy taqııany» jasap berdi, dep habarlaıdy QazAqparat tilshisi.
«Men óz atama qarap, osy ıdeıany oılap taptym. Onyń kózi nashar kóredi. Sosyn taqııasyn basynan tastamaıdy. Bir kúni atamnyń taqııasyna arnaıy qurylǵylar ornatsam qaıtedi dep oıladym. Ózim de robototexnıkaǵa qyzyǵyp júr edim. Sóıtip, «aqyldy taqııa» atty ǵylymı jobamdy bastadym. Taqııanyń ózine shaǵyn sensorlyq qurylǵylar ornatylǵan. Adamnyń aldynda býr kedergiler bolsa, vıbro-motorǵa sıgnal keledi. Sol kezde vıbratsııa bastalady. Kózi kórmeıtin adam ony sezedi de, aldyndp kedergi bar ekenin bilip, toqtaıdy nemese júrgen baǵytyn ózgertedi», - deıdi Sáttiǵalı. Onyń aıtýynsha, atalǵan jobany áleýmettik bastama retinde jalǵastyrýǵa bolady. Osy ispetti «aqyldy taqııalardy» kózi nashar kóretin azamattarǵa jasap berýge bolady.
Aıta keteıik, búgin elordanyń «Astana» kontsert zalynda (burynǵy Kongress-xoll) Nazarbaev zııatkerlik mektepteriniń jetistikteri alǵash ret tanystyryldy. Onda ulttyq qolóner, kórkemsýret, gobelen, panno jáne tay basqa qoldanbaly óner salasyndaǵy mektep oqýshylary óz qolymen jasaǵan buıymdarmen qatar robototexnıka, ǵarysh, munaı-gaz, ınfraqurylym jáne óńdeý ónerkásibi boıynsha ózderi oılap tapqan jobalar tanystyryldy. Shara aıasynda muǵalimderge arnalǵan sheberlik sabaqtary da uıymdastyryldy.
«Búgingi shara arqyly biz balalardyń bilim alyp qana qoımaı, sol alǵan bilimderin is-áreketke de aınaldyryp jatqanyn kórsetkimiz kelip otyr. Olar ártúrli texnologııalardy paıdalanyp, ózimizdiń ulttyq ónerimiz, tarıxymyz ben dúnıetanymymyzben ushtastyryp jatyr. Men úshin eń úlken jetistik osy dep oılaımyn. Sebebi qulaǵynda kúmbirlegen kúıi qalǵan, qazaqtyń ásem ánniń úni qalǵan balanyń júregi «elim, jerim» dep soǵatyn bolady», - deıdi «Nazarbaev zııatkerlik mektepteri» AQ basqarma tóraıymy Kúlásh Shámshıdınova.
