Mektep oqýshysy Almaty ákimine kóshelerdi sý basýdyń aldyn alatyn joba usyndy
«Men Almaty qalasynda ornalasqan fızıka-matematıka baǵytyndaǵy Nazarbaev zııatkerlik mektebiniń oqýshysymyn. Meniń sizge usynysym bar. Qalamyzda, atap aıtqanda Almaly aýdanynda jańbyr jaýǵan kezde shalshyqtar paıda bolady jáne sý basý máselesi týyndaıdy. Men «jasyl drenaj» jobasyn ázirledim. Bul qudyq, onyń ishinde batpaqty ósimdik jáne topyraq bolady. Ol jerge jańbyr sýy aǵady, ósimdikter arqyly súziledi, olar arnaıy osy úshin jasalǵan. Sý osy jerge sińip ketedi. Bul jobany Fıladelfııa men basqa da kóptegen qalalardaǵy zertteýlerdi negizge alyp jasadym. Onda joba sátti jumys istedi, ony Almaty jaǵdaıyna saı túzettim. Menimen birge pılottyq joba jasaýlaryńyzdy suraımyn», - dedi oqýshy turǵyndarmen kezdesýge kelgen ákimge.
Osyǵan oraı, Erbolat Dosaev Almaly aýdanynyń ákimi men Ekologııa jáne qorshaǵan ortany qorǵaý basqarmasyna tapsyrma berdi.
«Pılottyq rejımde qoldanyp kóreıik, nege bolmasqa?» - dedi Erbolat Dosaev.
