Mektep oqýshysy A.Vlızko elordany Astanaǵa kóshirgeni úshin Memleket basshysyna alǵysyn bildirdi
ASTANA. QazAqparat - Elbasynyń atyna Astana qalasyndaǵy №2 mektep-gımnazııa oqýshysy Aleksandr Vlızkodan hat keldi.
Bul týraly Aqordanyń baspasóz qyzmetinen habarlandy.
Óz hatyn qazaq tilinde jazǵan 6 «G» synyp oqýshysy A.Vlızko elordany Astanaǵa kóshirgeni úshin Memleket basshysyna alǵysyn bildirip, sonyń arqasynda kóptegen oqý oryndary ashylǵanyn, onda túrli ulttardyń ókilderi oqıtynyn aıtqan.
Avtor óz hatyn keń baıtaq qazaq dalasynyń mıllıondaǵan qazaqstandyq balalarynyń atynan jazyp otyrǵanyn atap ótken.
«Ras, meniń tegim sál basqa. Men ýkraın ultynyń ókilimin. Biraq men ózimdi bala kúnimnen qazaqpyn dep sezinemin. Qazaqpyn dep esepteımin. Sebebi men birligi men tatýlyǵy, dostyǵy men týystyǵy jarasqan Qazaqstanda ósip kelemin», - deıdi A.Vlızko.
Ol Qazaqstannyń bolashaǵynan senetinin, osy el úshin qyzmet etýge daıyn ekenin jetkizgen.
«Bul jer - meniń ákemniń kindik qany tamǵan meken. Bul jer - meniń anamnyń ómirge kelgen qonysy. Meniń súıegim de, etim de qazaq. Men Qazaq jerinde týǵanymdy maqtanysh etemin», - delingen hatta.
