Mektep oqýshysy 20 adamdy jaralaǵan
ASTANA. QazAqparat - AQSh-tyń shyǵysyndaǵy Pensılvanııa shtatynyń mektepteriniń birine belgisiz bireýdiń shabýyl jasaýynan jıyrmaǵa jýyq oqýshy zardap shekti, dep habarlady Bı-bı-sı.
Oqıǵa Pıttsbýrg qalashyǵynyń Regional High School oqý ornynda oryn alǵan.
Polıtsııa kúdiktini qolǵa túsirdi. Aldyn ala aqparat boıynsha ol sol mekteptiń oqýshysy bolyp shyqty. 14-17 jas aralyǵyndaǵy jasóspirimder ár alýan aýyr dárejedegi pyshaq jaraqatyn alǵan. Olardyń bári aýrýhanaǵa jetkizildi. Mektep ýaqytsha jabylǵan. Polıtsııa ǵımaratty tekserip jatyr.
