Mektep oqýshylarynyń demalysyn uıymdastyrýǵa 4 mlrd teńge bólindi - Saǵadıev
ASTANA. QazAqparat - Úkimettiń búgingi otyrysynda QR Bilim jáne ǵylym mınıstri Erlan Saǵadıev jazǵy kanıkýlda balalardyń demalysyn, bos ýaqytyn jáne olardy jumyspen qamtýdy uıymdastyrý jumystary boıynsha esep berdi, dep habarlaıdy QazAqparat tilshisi.
«Bıyl 1-11 synyp oqýshylarynyń sany 2 mıllıon 671 myń balany qurap otyr. Olardyń jazǵy demalysyn uıymdastyrý úshin respýblıkada 14 myńǵa jýyq densaýlyq lagerleri men alańdar jumys isteıdi. Jazǵy lagerler 1 mıllıon 655 balany, ıaǵnı barlyq oqýshylardyń 61 protsentin qamtı alady. Kanıkýl kezinde qosymsha sabaqtar uıymdastyrylady. Al daryndy balalar men áleýmettik jaǵynan az qamtylǵan otbasylardyń balalarynyń jazǵy demalysyn uıymdastyrýǵa jergilikti bıýdjetterden 4 mıllıard teńgeden astam qarjy bólindi», - deıdi Saǵadıev.
Mınıstrdiń aıtýynsha, aǵymdaǵy jyly áleýmettik jaǵynan az qamtylǵan balalardy tegin demalyspen qamtý kólemi 84,8 protsentti qurap otyr. Ol - shamamen 422 myń bala.
