Mektep oqýshylarynyń 87,7 paıyzynda jyl boıy sportpen aınalysý múmkinshiligi bar - B.Jumaǵulov
ASTANA. 9 shilde. QazAqparat - Mektep oqýshylarynyń 87,7 paıyzynda jyl boıy sportpen aınalysýǵa múmkinshilikteri bar.
Bul týraly búgin Úkimettiń selektorlyq rejimdegi otyrysynda QR Bilim jáne ǵylym mınıstri Baqytjan Jumaǵulov málim etti.
«Búgingi tańda qazaqstanda oqýshylardyń 87,7 paıyzynyń jyl boıy dene tárbıesimen jáne sportpen aınalysý múmkinshiligi bar. Oqýshylardyń 23,7 paıyzy qysqy sport túrlerimen, al 1,5 paıyzy mektep jaǵdaıynda júzýmen aınalysa alady», - dedi ol.
Jalpy, B.Jumaǵulovtyń atap ótýinshe, mınıstrlik Sport jáne dene shynyqtyrý isteri agenttigimen birlesip jyl saıyn sporttyń 20 túrinen 70-ten astam respýblıkalyq týrnır ótkizip turady. 3 pen 6 jas aralyǵyndaǵy 600 myńnan astam bala mektepke deıingi mekemelerde dene tárbıesimen aınalysady.
