Mektep oqýshylarynyń 80 paıyzynyń sportpen júıeli aınalysýlaryna múmkinshilikteri joq - G. Ábdiqalyqova
ASTANA. QazAqparat - Mektep oqýshylarynyń 80 paıyzynyń sportpen júıeli aınalysýlaryna múmkinshilikteri joq.
Búgin QR Sport jáne dene shynyqtyrý agenttiginiń alqa májilisinde QR Úkimet basshysynyń orynbasary Gúlshara Ábdiqalyqova osylaı dedi.
«Balalar men jasóspirimderdiń 80 paıyzdan astamy dene tárbıesi men sportpen júıeli túrde aınalyspaıdy. Stýdentterdiń tek 45 paıyzy ǵana turaqty sportpen aınalysa alady», - dedi ol.
Vıtse-premerdiń paıymynsha, olardyń dene tárbıesimen qamtylý deńgeıiniń tómendigi sporttyq ınfraqurylymdardyń jetispeýshiliginen oryn alýda. Sonymen birge bul máselege oblystyq sport, bilim, densaýlyq saqtaý, jastar jáne ishki saıasat basqarmalary jete nazar aýdarmaı otyr.
«ıAǵnı, barlyq jergilikti organdardyń jınaqty, ózara baılanysty jumystary bolýy tıis. Bul qurylymdardyń barlyǵy kúsh-jigerlerin, qolda bar resýrstaryn biriktirip, halyq arasynda salaýatty ómir saltyn qalyptastyrý ári nasıhattaý jumystaryn júrgizýi qajet».
Sondaı-aq ol elimizde, ásirese aýyldyq jerlerde buqaralyq sport túrlerin damytý úshin barlyq jaǵdaı jasaý qajettigin basa aıtty.
