Mektep oqýshylaryna vaktsına salyna ma – Mınıstr jaýaby

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov «Mektep oqýshylaryna koronavırýsqa qarsy vaktsına salyna ma?» degen suraqqa jaýap berdi, dep habarlaıdy QazAqparat tilshisi.

«Otandyq vaktsına klınıkaǵa deıingi zertteýden, birinshi jáne ekinshi fazadan ótip, klınıkalyq zertteýdiń sheshýshi úshinshi fazasyna keldi. Biz bárin hattamaǵa, halyqaralyq standartqa jáne talaptarǵa sáıkes jasap jatyrmyz. Barlyq prıntsıpter men barlyq normalardy saqtaýymyz kerek. Bul óte mańyzdy, óıtkeni áńgime halyqtyń qaýipsizdigi jaıynda bolyp otyr, sondyqtan biz árbir rásim boıynsha barlyq talaptardy saqtaımyz. Naýryz aıynyń ortasynda bul vaktsınany shyǵaryp, azamattardy vaktsınalaı bastaýdy josparlap otyrmyz.

Biraq bul jerde vaktsınany daıyndaýǵa qatysty ǵylymı máseleler Bilim jáne ǵylym mınıstrliginiń quzyretine jatatynyn, al vaktsınalaýdyń odan ári máseleleri mınıstrlik quzyretine kirmeıtinin eske salǵym keledi», - dep jaýap berdi Bilim mınıstri tilshi suraǵyna.

Mınıstrdiń aıtýynsha, mektep oqýshylaryn ekpe saldyrýǵa eshkim májbúrlemeıdi.

«Eshkimdi májbúrlemeıdi, májbúrlep te jatqan joq. Mektepterdegi medıtsınalyq bólimdi birneshe jyl buryn Densaýlyq saqtaý mınıstrliginiń quziretine bergenbiz. Bul másele boıynsha da bizdiń áriptesterimizge júgine alasyz. Biraq, májbúrleý týraly taqyryp bolǵan emes», - dedi A. Aımaǵambetov.