Mektep oqýshylaryn tasymaldaý úshin 515 avtobýs satyp alynady
«Balalardy qaýipsiz tasymaldaý - bizdiń baqylaýymyzdaǵy mańyzdy suraqtardyń biri jáne biz osy máseleni únemi kóterip kelemiz. Bıyl Balalar jyly aıasynda qaýipsizdik talaptaryna saı keletin 515 jańa avtobýs satyp alý úshin respýblıkalyq bıýdjetten aqsha bólindi. Jańa avtobýstar qaýipsizdik beldikterimen, mektep sómkesine arnalǵan sórelermen, esikteri ashyq kezde qozǵalysty tejeıtin mehanızmmen jáne taǵy da basqa qaýipsizdik quraldarymen jabdyqtalǵan», - dedi Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.
Ol avtobýstardy satyp alýǵa bólingen qarjyny ıgerý jergilikti ákimdikterdiń quzyretinde ekendigin aıtady. Qoǵamdyq kólikter elimizde qurastyrylatyn bolǵandyqtan, qomaqty tapsyrys otandyq avtoóndiris salasyn damytýǵa da úlken úles qosatynyna senimdi.
Sózinshe, eń bastysy balalarymyzǵa qaýipsiz, jaıly avtobýstarmen qatynaýǵa jaǵdaı jasaımyz.
«Jańa avtobýstar Aqmola, Aqtóbe oblystary sııaqty birqatar óńirge jetkizilip, taratylyp jatyr. Biz elimizdiń barlyq aımaǵyndaǵy mektep avtobýstaryn kezeń-kezeńimen jańartamyz. Birinshi kezekte problema bar óńirlerdi avtobýspen qamtýdy josparlap otyrmyz. Máselen, 515 avtobýstyń 101-i Túrkistan oblysyna jóneltiledi», - dedi komıtet tóraǵasynyń orynbasary.
Foto: abai.kz