Mektep oqýshylary olımpıadasynyń qorytyndysy shyǵaryldy
ASTANA. 10 qańtar. QazAqparat - Astanada 8-9 qańtarda ótken qalalyq mektep oqýshylary olımpıadasynyń qorytyndysy shyǵyryldy. №66 mektep-lıtseıi men №67 gımnazııasy bazasynda jalpy bilim beretin pán boıynsha júrgen olımpıadaǵa 9-11 synyp oqýshylary qatysty, dep habarlady «Astana daryny» ǵylymı-tájirıbelik ortalyǵy.
Elordanyń resmı saıtynyń málimetinshe, olımpıadaǵa Astana qalasynyń memlekettik jáne jekemenshik bilim berý mekemelerinen respýblıkalyq olımpıadanyń IІ (aýdandyq) kezeńinen І, ІІ oryn alǵan 739 oqýshy qatysty. Qazylar alqasynyń sheshimimen olımpıadanyń II týryna 503 oqýshy ótti.
Qazylar alqasynyń sheshimimen I oryndy 44 oqýshy, II oryndy 87 oqýshy, III oryndy 137 oqýshy ıelendi.
Olımpıadanyń qorytyndysy boıynsha kelesi mektepterdiń nátıjesin erekshe ataýǵa bolady: QTL (u), «Zerde» DBM, QTL (q), №6G, №60 ML, №66ML, №38 ML, №50 ML, №17ML, №1.
