Mektep oqýshylary Napoleonnyń inisiniń qylyshyn taýyp aldy
ASTANA. QazAqparat - Belarýs astanasy Mınskiden 100 shaqyrym jerdegi Vıleıka qalashyǵynda mektep oqýshylary ejelgi qylysh taýyp aldy.
"Qylysh sabynda Jerom Napoleonnyń monogrammasy saqtalǵan. Bul óte úlken qyzyǵýshylyq týdyrýda, Jerom Frantsııa ımperatory Napoleonnyń inisi. Monogrammanyń joǵary jaǵynda táj beınelengen, bul qylysh ıesiniń joǵary laýazymdy bolǵanyn bildiredi",- deıdi Vıleı ólketaný mýzeıiniń ǵylymı qyzmetkeri Nadejda Avdeı.
1812 jylǵy soǵys kezinde Napoleon Vıleı jerinen eki ret ótken. Sol shaqta Napoleonnyń kishi inisi Jerom Bonaparttyń qylyshy qalyp qoıýy ábden múmkin. Tabylǵan qarý kimge tıesili ekenin arnaıy saraptama anyqtaıtyn bolady.
