Mektep oqýshylary memleketten syıǵa alǵan noýtbýkterin saýdalaǵan
ASTANA. QazAqparat - Úndistannyń Ýttar-Pradesh shtatynyń mektep oqýshylary olarǵa memleket tarapynan bilim berý sapasyn kóterý baǵdarlamasy aıasynda bólingen noýtbýkterin satqan. Bul týraly The Times of India jazady.
Olardyń bul astyrtyn áreketi matematıka pániniń muǵalimi saıttardyń birine elektronıkany satatyny týraly habarlandyrý ornalastyryp, ony $230 kólemindegi qarajatqa satqannan keıin belgili boldy. Muǵalim ony oqýshysynyń ata-anasynan alǵan. Ol óziniń mundaı qadamǵa kedeıshilikten barǵanyn aıtyp aqtalǵan.
Aıta keteıik, bul elde «Tegin noýtbýk» atalatyn baǵdarlama 2012 jyldan bastap júzege asyrylyp keledi. Sodan beri bilim mekemelerine barlyǵy 24 myńnan astam kompıýter bólingen.
Mektep oqýshylarynyń bul áreketteri týraly bilgen el bıligi qatty qynjylys bildirdi. Sondaı-aq olar atalmysh muǵalimge qatysty tıisti sharalar qoldanylatynyn jetkizdi.
